Jenna Jame­son, sem um langt skeið var vin­sælasta klám­mynda­leik­kona heims, er enn á sjúkra­húsi eftir að hafa verið lögð inn í síðustu viku. Page Six greinir frá þessu.

Lior Bitt­on, maki Jennu, greindi frá þessu í gær en í fyrstu lék grunur á að Jenna væri haldin hinum svo­kallaða Guilli­an-Bar­ré sjúk­dómi. Um er að ræða bólgu­sjúk­dóm þar sem ó­næmis­kerfið ræðst á eigið út­tauga­kerfi. Ein­kennin þóttu að minnsta kosti benda til þess enda missti Jenna mátt í út­limum og hætti skyndi­lega að geta gengið.

Bitt­on segir að læknar hafi stað­fest að ekki væri um Guilli­an-Bar­ré að ræða í til­felli Jennu. Sagði hann að rann­sóknir standi enn yfir og lofar hann að halda fylgj­endum sínum upp­lýstum um gang mála.

Bitt­on, sem er kaup­sýslu­maður frá Ísrael, fór með Jennu á sjúkra­hús í síðustu viku en þá hafði hún kastað nær lát­laust upp í tvær vikur. Þegar hún byrjaði að missa mátt í fótum fór hann með hana á sjúkra­hús þar sem hún hefur dvalið síðan. Jenna og Bitton eiga saman fjögurra ára dóttur.