Lífið

Íslendingar eru komnir með dansdellu

Chantelle Carey danshöfundur og dansari hefur sett upp margar sýningar á Íslandi býður nú almenningi upp á námskeið í steppdansi.

Chantelle var aðstoðarkona danshöfundar í Billy Elliott og Mamma mia og aðaldanshöfundur fyrir Bláa hnöttinn og söngleikinn Slá í gegn. Fréttablaðið/Mynd í einkaeigu

Það vita kannski ekki allir hver hún er en Chantelle Carey danshöfundur og dansari hefur starfað á Íslandi í nokkur ár bæði Borgarleikhúsinu og nú í Þjóðleikhúsinu. 

 „Ég kom upphaflega hingað sem aðstoðarkona Lee Proud sem var ráðin til að semja dansa og þjálfa dansara í Billy Elliott sem að Borgarleikhúsið setti upp og það vatt upp á sig, og hér er ég enn“, segir Chantelle en hún aðstoðaði einnig Lee Proud í uppsteningunni á Mamma Mia og samdi síðar dansana í Bláa hnettinum en hennar síðasta verkefni var söngleikurinn Slá í gegn sem var frumsýndur í Þjóðleikhúsinu fyrir skemmstu. 

Chantelle er ein þeirra sem þarf að hafa mörg járn í eldinum og vill gefa af sér. Í byrjun apríl stendur hún fyrir nýstárlegu námskeiði í steppdansi bæði fyrir fullorðna og börn sem að hún segir að allir geti lært. Námskeiðið fer fram í fyrrum húsnæði hæstaréttar á Lindargötu við hliðina á Kassanum, leikhúsi Þjóðleikhússins.

 „Það geta allir lært að dansa og steppdans er frábær æfing því það er svo margt sem að maður fær út úr æfingunum. Dansinn styrkir ekki bara vöðvana heldur tónar þá líka og svo er dans frábær leið til að auka liðleika og er í raun æfing sem styrkir allan líkamann. Steppdansinn þjálfar einnig skynjun á takti og þeir sem eru flinkir í steppdansi fá góða tilfinningu fyrir tímasetningum og ryþma“. 

En Íslendingar eru þeir ekki óttalegir stirðbusar? „Langt því frá og það sést nú heldur betur í leikhúsum landsins. Hér er fjölmargt hæfileikaríkt fólk á öllum aldri,- ég held bara að Íslendingar séu komnir með dansdellu.“

Athugasemdir

Auglýsing
Auglýsing

Tengdar fréttir

Doktor.is

Doktor.is: Streita og kulnun

Lífið

Idol­kempurnar Ru­ben og Clay slá upp jóla­tón­leikum

Fólk

Uppskrift: Einfalt en gómsætt konfekt

Auglýsing

Nýjast

Lífið, alheimurinn, allt og þú

Ritstjórinn og skáldið slást um tímann

Emmsjé Gauti hannar strigaskó

Hið góða mest gúgglað árið 2018

Plötuðu milljónir Twitter not­enda fyrir skóla­verk­efni

Bjóða þeim sem eru einir á jólum í há­tíðar­kvöld­verð

Auglýsing