Lífið

Ind­riði ljáði Jóni Val rödd sína eftir á­skorun á Twitter

Hinn tuð­gjarni Ind­riði, karakter úr sjón­varps­þátta­röðinni Fóst­bræður, sneri aftur eftir á­skorun Twitter-notanda fyrr í dag. Jón Gnarr, í hlut­verki Indriða, las upp um­mæli guð­fræðingsins Jóns Vals um regn­boga­málninguna á Skóla­vörðu­stíg í til­efni Hin­segin daga.

Jón Gnarr, í hlutverki Indriða, ljáði guðfræðingnum Jóni Val Jenssyni rödd sína.

Twitter-notandinn Geir Finnsson fékk ósk sína uppfyllta í kvöld þegar grínistinn Jón Gnarr varð við beiðni hans og brá sér í hlutverk kvartgjarna karaktersins Indriða úr Fóstbræðrum.

„Myndi borga til að heyra @Jon_Gnarr lesa þetta sem Indriði,“ skrifaði Geir í færslu sinni á Twitter fyrr í dag en með færslunni fylgdi skjáskot af ummælum guðfræðingsins Jóns Vals Jenssonar þar sem hann gagnrýnir regnbogamálninguna sem fær þessa dagana að njóta sín á Skólavörðustíg í tilefni Hinsegin daga, en þeir voru settir í gær.

Einkennandi rödd tuðarans Indriða, sem fær sig erfiðlega til þess að framkvæma hlutina, fékk að njóta sín á ný þegar Jón Gnarr svaraði Geir á Twitter með myndbandi þar sem hann les upp textann.

„Flott. Legg inn á þig 1000 kr. Takk fyrir mig,“ skrifar Geir og þakkar Jóni Gnarr fyrir. Jón afþakkaði greiðsluna en benti áhugasömum hins vegar á að leggja Samtökunum '78 lið.

Hér meðfylgjandi er hlekkur á myndbandið auk skjáskots af ummælum Jóns Vals.

Athugasemdir

Auglýsing
Auglýsing

Tengdar fréttir

Menning

Fuglar í fínum fötum prýða vegginn á Hótel Laka

kynning

Ekki fá krampa á hlaupunum

Lífið

Oxycontin kom söngkonunni á sjúkrahús

Auglýsing

Nýjast

Hinseginfræðsla áríðandi

Aldurinn skiptir engu í nýliðaþjálfun

Hægt að flytja inn samdægurs

Í læri hjá listagyðjunni

Sækir innblástur í menningu og popplist

Gylfi skipulagði afmæli Alexöndru

Auglýsing