Húðflúr geta verið lítið eða stór listaverk á líkamanum. Sumir eru þaktir húðflúri svo varla sést lengur í venjulega húð. Oft hefur húðflúrið einhverja sögu að segja en hjá öðrum er bókstaflega heilt meistaraverk á líkamanum. Við fundum nokkrar myndir af vel skreyttum karlmönnum en konur eru ekki síður með húðflúr. Rihanna, Lady Gaga, Angelina Jolie, Scarlett Johansson, Miley Cyrus og margar fleiri hafa fengið sér minni eða stærri húðflúr.
Húðflúrtískan er síður en svo í rénun, hefur reyndar sjaldan verið vinsælli. Húðflúrin eru upphaflega sögð komin frá frumbyggjum en oft voru þau gerð af trúarástæðum. Má telja víst að húðflúr hafi verið gerð í meira en 5.000 ár. Húðflúr hafa greinst á elstu mannvistarleifum.
Húðflúriðnaðurinn er alltaf að vaxa og sífellt eru gerðar meiri kröfur til listrænna hæfileika húðflúrara. Í raun eru engin takmörk fyrir því hvað fólk vill skreyta sig með á líkamanum. Sagt er að húðflúrsstofa hafi verið til í Jermyn Street í London á níunda áratugnum sem var lúxus tískuhverfi. Var hún sögð þjóna yfirstéttinni.
Hér áður fyrr voru engu að síður nokkrar fordómar gegn húðflúri. Japanir merktu til dæmis fanga með húðflúri. Þá munu nasistar hafa notað húðflúr í síðari heimsstyrjöldinni til að merkja fólk með tölum.
Vinsældir húðflúrs í dag eru ekki síst vegna þess hversu margar opinberar persónur hafa skreytt líkama sinn, má þar nefna stjörnurnar í Hollywood og heimsfræga knattspyrnumenn og þá til dæmis David Beckham. Körfuboltastjörnur í Bandaríkjunum hafa sömuleiðis verið duglegar að skreyta sig.
