Lífið

Hróksliðar færðu Græn­­lendingum 40 milljónir

Há­tíðar­höldum í til­efni af fimm­tán ára starfi Hróksins á Græn­landi er að ljúka þar í landi. Mikið fjör hefur verið í Nuuk, meðal annars skákmót og vel­ferðar­sjóðurinn Vin­átta í verki var kynntur.

Hrafn Jökulsson og Steffen Lynge, skákmeistari Nuuk 2018. Þessi glaðbeitti lögreglu- og tónlistarmaður hefur tekið þátt í starfi Hróksins frá upphafi, árið 2003.

Hátíðarhöldum í tilefni af fimmtán ára starfi Hróksins á Grænlandi er að ljúka þar í landi. Skákfélagið stóð fyrir ýmsum viðburðum í Nuuk, hélt skákmót og velferðarsjóðurinn Vinátta í verki var kynntur. Hann hefur til umráða 40 milljónir sem söfnuðust á Íslandi í fyrra eftir hamfarirnar í Uummannaq-firði.

Keppendur á Air Iceland Connect-meistaramótinu í Nuuk kampakátir við verðlaunaafhendingu.

Skákfélagið Hrókurinn hefur síðustu daga staðið fyrir miklum hátíðarhöldum í Nuuk, höfuðborg Grænlands, í tilefni af því að fimmtán ár eru liðin síðan Hrókurinn byrjaði að boða fagnaðarerindi skákarinnar og lífsgleðinnar á Grænlandi.

Leiðangursstjórinn Hrafn Jökulsson, forseti Hróksins, segir Hróksliða í skýjunum eftir fimm daga hátíðarhöld. Efnt var til margvíslegra viðburða og velferðarsjóðurinn Vinátta í verki kynntur.

Hróksliðarnir Hrafn og Jóhanna Engilráð með Henrik Leth, stjórnarformanni Polar Seafood, sem styður dyggilega við starf Hróksins á Austur-Grænlandi.

Sjóðurinn hefur til umráða þær 40 milljónir sem söfnuðust á Íslandi í fyrra eftir hamfarirnar í Uummannaq-firði í júní í fyrra þegar þungar flóðbylgjur lögðu þorpin Uummannaq og Illorsuit nánast í rúst í kjölfar jarðskjálfta.

„Um helgina lagði Hrókurinn undir sig Nuuk Center, verslunarmiðstöð borgarinnar, þegar Vivian Motzfeldt, utanríkis- og menntamálaráðherra Grænlands, setti hátíðina,“ segir Hrafn.„Hún þakkaði Hróksliðum fyrir starf síðustu 15 ára og sagði skákina henta einstaklega vel sem námstæki fyrir börn og ungmenni.“

Aleqa Hammond, fyrsta konan sem varð forsætisráðherra á Grænlandi, og Tom Osterman buðu Hróksliðum og krökkunum frá Uummannaq í dýrðlega veislu.

Tónlistarmennirnir Birkir Blær Ingólfsson og Jónas Margeir Ingólfsson löðuðu fram ljúfa tóna, ásamt hópi ungmenna frá Barnaheimili Uummannaq, sem var á ferð í Nuuk ásamt forstöðukonunni Ann Andreassen, sem er meðal stjórnarmanna Vináttu í verki. 

Síðan tefldi Hrafn Jökulsson fjöltefli við tugi heimamanna á öllum aldri og mátti hafa sig allan við gegn þeirri harðsnúnu sveit.

Birkir Blær og Jónas Margeir laða fram ljúfa tóna fyrir 1. bekkinga í Nuuk.

Glaðbeitt lögga sigraði skákmótið

Á sunnudag var haldið Air Iceland Connect-Meistaramót Nuuk 2018 þar sem sextán skákmenn kepptu um Íslandsferð og fleiri góða vinninga. Sigurvegari varð lögreglumaðurinn og tónlistarmaðurinn Steffen Lynge, sem tekið hefur virkan þátt í starfi Hróksins á Grænlandi allar götur síðan fyrsta alþjóðlega mótið var haldið í Tasiilaq árið 2003. 

Hátt í hundrað 1. bekkingar í Nuuk fengu splunkunýja reiðhjólahjálma að gjöf.

„Hróksliðar brugðu ekki þeim vana að heimsækja fangelsið í Nuuk, og áhuginn var slíkur að farið var í tvær heimsóknir. Þar var bæði teflt og spilað á hljóðfæri af hjartans list,“ segir Hrafn.

„Einn af hápunktum AIC-hátíðarinnar var heimsókn á Pitu-heimilið í Nuuk, sem er fastur viðkomustaður Hróksliða. Þar er tekið við systkinahópum, sem ekki geta verið hjá fjölskyldum sínum, og þeim er búið einstaklega notalegt heimili af hjónunum Vivi Lyngi og Isavaraq Petrussen,“ segir Hrafn og bætir við að venju samkvæmt hafi Hróksliðar mætt klyfjaðir góðum gjöfum frá íslenskum vinum, meðal annars prjónahópnum í Gerðubergi og mörgum íslenskum fyrirtækjum.

Krakkarnir á Pitu-heimilinu í Nuuk fengu gjafir frá mörgum íslenskum vinum.

„Hróksliðar brugðu ekki þeim vana að heimsækja fangelsið í Nuuk, og áhuginn var slíkur að farið var í tvær heimsóknir. Þar var bæði teflt og spilað á hljóðfæri af hjartans list,“ segir Hrafn.

„Einn af hápunktum AIC-hátíðarinnar var heimsókn á Pitu-heimilið í Nuuk, sem er fastur viðkomustaður Hróksliða. Þar er tekið við systkinahópum, sem ekki geta verið hjá fjölskyldum sínum, og þeim er búið einstaklega notalegt heimili af hjónunum Vivi Lyngi og Isavaraq Petrussen,“ segir Hrafn og bætir við að venju samkvæmt hafi Hróksliðar mætt klyfjaðir góðum gjöfum frá íslenskum vinum, meðal annars prjónahópnum í Gerðubergi og mörgum íslenskum fyrirtækjum.

Gamlir og nýjir vinir

Síðasta dag hátíðarinnar heimsóttu Hróksliðar athvarf fyrir fólk með geðraskanir og Kofoeds Skole, sem Hrafn segir vera einstakan griðastað fyrir heimilislausa og þá sem eiga undir högg að sækja.

„Þar er hæstráðandi Guðmundur Þorsteinsson, sem í áratugi hefur unnið að margvíslegum samfélagslegum málefnum á Grænlandi, og hefur ásamt eiginkonu sinni, Benedikte Abelsen, unnið þrekvirki við að auka samskipti Íslands og Grænlands.“

Frá móttöku í sendiherrabústaðnum í Nuuk. Kristín Þorsteinsdóttir, Birkir Blær, Jóhanna Engilráð, Hrafn Jökulsson, Ann Andreassen, Jónas Margeir, Stefán Herbertsson og Skafti Jónsson.

Hrafn segir að samhliða hátíðinni hafi Hróksliðar hitt gamla vini og eignast nýja. Þannig áttu hann og Jóhanna Engilráð, 9 ára lukkutröll leiðangursins, fund með Henrik Leth, stjórnarformanni Polar Seafood, stærsta útgerðarfyrirtækis Grænlands. „Þar var gengið frá því að Polar Pelagic, dótturfyrirtæki PS og Síldarvinnslunnar, muni standa að fjórðu hátíðinni á Austur-Grænlandi í ársbyrjun 2019.“

Vinátta og samvinna nágranna í norðri

Á mánudag efndi Skafti Jónsson, sendiherra Íslands í Nuuk, til móttöku fyrir leiðangursmenn og fjölda góðra gesta.

Þar tók  Vivian Motzfeldt, fyrir hönd forsætisráðherra landsins, við forláta taflsetti úr postulíni eftir listamanninn Hauk Halldórsson sem sótti innblástur í listsköpun Grænlendinga.

Hrafn sagði í ræðu sinni í sendiherrabústaðnum að síðustu 15 ár hefðu verið ævintýri líkust. Landnám Hróksins snerist ekki bara um skák, heldur að efla vináttu og samvinnu nágrannaþjóðanna í norðri á sem flestum sviðum.

Athugasemdir

Auglýsing
Auglýsing

Tengdar fréttir

Lífið

Hrókurinn heim­­sækir öll sveitar­­fé­lög landsins

Fólk

Hróksliðar á ís­bjarna­slóðum á Græn­landi

Fólk

Hróksliðar á varð­bergi vegna ís­bjarna á Græn­landi

Auglýsing

Nýjast

​​Mikið fé safnaðist fyrir læðuna Lísu

115 þús­und krón­a „skap­a­­tref­ill“ vek­ur lukk­u netverja

Idol-stjarna hand­tekin fyrir dreifingu heróíns

Hús með öllu í fyrsta sinn á Íslandi

Geir glæsilegur í galaveislu í Washington

Skálmeldingar hlustuðu á Sorgir

Auglýsing