Eydís segir að þau hjónin séu með það á dagskrá að taka alla íbúðina í gegn, taka niður veggi og gera nýja, stækka eldhús og sameina það stofu og borðstofu og skipta um öll gólfefni. „Við byrjum á þeim framkvæmdum eftir áramót,“ segir Eydís.

Baðherbergið, forstofan og loftin hafa nú þegar verið tekin í gegn og eins og sést á myndunum er baðherbergið mikið breytt. „Baðherbergið var upprunalegt og okkur fannst það mjög ljótt,“ segir Eydís.

Baðherbergið er tilbúið en Eydís og Viðar unnu alla vinnuna sjálf.

Þau hjónin skiptu baðkarinu út fyrir stóra og rúmgóða sturtu. Sturtubotninn er steinn frá Innréttingum og tækjum. Stærðin á botninum er 160x90cm en Eydís telur mikinn kost að hafa gott pláss í sturtunni. Innréttingarnar keyptu þau í Ikea en hái skápurinn er hugsaður sem eldhússkápur. „Ég valdi hann vegna þess að hann er rúmbetri en háu baðskáparnir. Höldurnar fann ég í Brynju á Laugavegi því ég fílaði ekki þær sem fylgdu innréttingunni,“ segir Eydís.

Þau Eydís og Viðar hönnuðu baðherbergið sjálf. Eydís segir mikilvægt að hafa það í huga þegar gerðar eru breytingar að hanna alla þætti svo fólk rekist síður á veggi. „Við til dæmis lentum í vandræðum með loftræstingu þar sem baðherbergið er gluggalaust. Við vildum ekki að það myndaðist móða þó við færum í langa sturtu, en við leystum það á endanum.“

Svona leit baðherbergið út fyrir breytingar.

Þau hjónin unnu líka alla vinnuna við breytingarnar sjálf. „Viðar færði lagnir til þess að þær væru þar sem við þurftum að hafa þær, hann getur allt þessi maður,“ segir Eydís.

Eftir breytingar. Fiboplöturnar heita Cracked Cement. Handklæðaofninn er frá Bauhaus. Sturtubotninn er steinn frá Innréttingum og tækjum.

Fiboplöturnar á veggjunum heita Cracked Cement en einn og hálfur veggur er málaður. „Flísarnar fengum við í Múrbúðinni og handklæðaofninn er frá Bauhaus.“

Eydís segir það ekki hafa verið neinn vanda fyrir þau hjónin að koma sér saman um breytingarnar. „Við vorum ótrúlega sammála, við vorum til dæmis ekki nema korter að velja flísarnar og litinn á fiboplötunum.“

Baðherbergið er stílhreint og litirnir tóna vel saman. Klósettið er frá Ísleifi Jónssyni. Hringspegillinn er frá Ikea.
Eydís og Viðar keyptu innréttinguna í Ikea. Stóri skápurinn var hugsaður sem eldhússkápur. Hann var valin vegna þess hversu rúmgóður hann er.