Berglind Hreiðars og fjölskyldan hennar eru öll komin á fullt í sinni föstu rútínu, bæði í skóla og vinnu. Við fengum Berglindi til að segja okkur aðeins frá hvernig hún skipuleggur haustið og hvað hún undirbýr í nesti og millimál fyrir sitt fólk.

„Það er alltaf gott þegar rútínan byrjar aftur. Í upphafi hausts er ég alltaf ofur peppuð enda er haustið minn uppáhaldstími, sérlega stilltir og fallegir haustdagar. Það er alltaf fersk byrjun, allir græjaðir í skólann, rútína tekur við á heimilinu og þess háttar. Það eru margir sem taka heilsuna fastari tökum á haustin og slíkt kallar einnig á hollari fæðu,“ segir Berglind.

„Ég komst að því fyrir nokkru að mötuneytið í skólanum hjá miðjunni minni yrði lokað að minnsta kosti fram að áramótum vegna viðgerða á skólanum og ef barnið á ekki að borða núðlur og rusl í öll mál er eins gott að preppa eitthvert gott og girnilegt nesti. Ég fékk hana því til liðs við mig þegar ég útbjó þessar uppskriftir og hreinlega spurði hana: Hvað myndir þú vilja taka með þér í skólann? Það kom fullt af hugmyndum en ég ákvað að útbúa þessar hér og ættu því allir að finna eitthvað við sitt hæfi.“

Hér koma síðan nokkrar hugmyndir að millimálum sem má einnig grípa með í nesti:

Epli og hnetusmjör

Flatkökur með áleggi

Poppkex

Niðurskornir ávextir

Niðurskorið grænmeti og hummus

Kaldur hafragrautur

Ostateningar og salami (upprúllað)

Kókoskúlur

Kaldur kjúklingur (leggir)

Hrökkbrauð (Finn Crisp snakk)

Skvísur (til dæmis Corny Smoothie)

Orkustykki

Tilbúnir drykkir (til dæmis Innocent smoothie)

Skyr og jógúrt

Harðfiskur

Þetta eru síðan auðvitað allt hugmyndir sem fullorðnir geta nýtt sér svo þetta er alls ekki bara fyrir börn, heldur bara almennt gott nesti og millimál.

Allt hráefnið í þessar nestishugmyndir er hægt að fá í matvöruversluninni Bónus.

Hafrastykkin með súkkulaðinu að hætti Berglindar eru bæði holl og góð og passa líka vel sem millimál.

Hafrastykki með súkkulaði

16 stykki

120 g brætt smjör

80 g sykur

70 g púðursykur

1 egg

2 tsk. vanilludropar

100 g tröllahafrar

150 g hveiti

1 tsk. matarsódi

½ tsk. salt

100 g súkkulaðidropar

Hitið ofninn í 175°C og klæðið ferkantað kökuform (20 x 20 cm) að innan með bökunarpappír og spreyið með matarolíuspreyi.

Hrærið smjör og báðar tegundir af sykri saman.

Bætið eggi og vanilludropum saman við og blandið saman.

Setjið næst tröllahafra, hveiti, matarsóda og salt í skálina og hrærið stutta stund.

Skafið niður með sleikju og blandið að lokum súkkulaðidropunum saman við með sleikjunni.

Hellið blöndunni í formið og sléttið úr.

Bakið í um 25 mínútur eða þar til kantarnir fara að gyllast.

Kælið og skerið síðan í bita.

Nestislanglokur falla flestum í geð og ekki amalegt að fá þessa í nesti.

Nestislangloka

Langlokubrauð með sesamfræjum

Silkiskorin skinka

Ostur

Harðsoðið egg

Blaðsalat

Tómatar

Gúrka

Pítusósa

Skerið brauðið langsum og raðið öllu saman eftir smekk.

Langlokubrauðin fást til dæmis í Bónusbakaríinu og ég kaupi þau og sker í sundur áður en ég set í frystinn, þannig er hægt að setja álegg á milli þó brauðið sé enn frosið, plasta og taka með í nesti.

Pestó-pastasalatið steinliggur og er fullkomið í hádegismatinn.

Pestó pastasalat

uppskrift miðast við einn skammt

100 g pasta að eigin vali

30 g Classic Basil pestó frá Sacla

½ dós ORA túnfiskur í vatni

Nokkrir piccolotómatar

Nokkrar mozzarellaperlur

Fersk basilíka

½ harðsoðið egg

Sjóðið pasta í söltu vatni og kælið.

Blandið pestó saman við með sleikju og setjið í nestisbox/skál.

Setjið túnfiskinn ofan á ásamt öðrum hráefnum og njótið.

Töfrandi og fersk næringarbomba sem gerir daginn enn betri.

Næringarbomba í glasi

2-3 glös eftir stærð

600 ml Innocent kókosvatn

300 g frosin jarðarber

1 banani

70 g kasjúhnetur

20 g ristaðar kókosflögur

2 tsk. hunang/síróp (má sleppa)

Setjið allt í blandarann, blandið vel og hellið í glös.

Hægt er að taka drykkinn með í nesti til dæmis í brúsa, krukku með loki eða öðru sem ekki hellist úr.

Hollustuskálina er einfalt að gera og gleður hún bæði auga og munn.

Hollustuskál

300 g vanilluskyr

Corny Smoothie með banana, hindberjum, bláberjum og höfrum

Toppur

Granóla

Banani

Hindber

Bláber

Rapunzel kókos- og möndlusmjör

½ stk. Corny með súkkulaði

Fyrir skyrgrunn má hræra saman skyri og Corny Smoothie og setja í skál.

Fyrir topp má skera niður ávexti og Corny og setja ofan á og setja síðan um 1 teskeið af kókos- og möndlusmjöri yfir allt.

Þegar skálin er tekin með í nesti er hægt að setja allt í nestisbox/lokað ílát en gott er að hafa granóla í sér poka/boxi svo það haldist stökkt.

Girnilegar bananamöffsins eru fullkomnar í nestisboxið.

Bananamöffins

20 stykki

2 egg

80 g sykur

80 g púðursykur

2-3 þroskaðir bananar

130 g brætt smjör

2 tsk. vanilludropar

180 g hveiti

2 tsk. lyftiduft

½ tsk. matarsódi

½ tsk. salt

2 tsk. kanill

Hitið ofninn í 170°C.

Þeytið saman báðar tegundir af sykri og egg þar til létt og ljóst.

Stappið bananana og bætið þeim saman við ásamt bræddu smjöri og vanilludropum, hrærið varlega saman stutta stund.

Að lokum má hræra öll þurrefni saman og setja saman við í nokkrum skömmtum.

Hrærið aðeins þar til blandað, ekki of lengi.

Skiptið niður í bollakökuform og bakið í um 15 mínútur eða þar til kantarnir á kökunum fara að gyllast.

Gott er að skera múffuna í sundur og smyrja með smjöri og setja ost á fyrir nesti.