Höfuð­borgar­búar á­nægðari með Ver­búðina en lands­byggðin

Á annan í jólum hóf sjón­varps­þátturinn Ver­búðin göngu sína á RÚV og er ó­hætt að segja að við­tökurnar hafi verið góðar.

Sam­kvæmt nýrri könnun markaðs­rann­sókna­fyrir­tækisins Prósent, sem gerð var dagana 30. desember til 9. janúar, höfðu 57 prósent þjóðarinnar horft á fyrsta þáttinn.

Hærra á­horf mældist í eldri aldurs­hópum en 74 prósent úr aldurs­hópnum 65 ára og eldri horfðu á fyrsta þáttinn en einungis 35 prósent í aldurs­hópnum 18 til 34 ára.

Mjög mikill meiri­hluti svar­enda var á­nægður með Ver­búðina. Alls sögðust 51 prósent vera á­nægð með þáttinn, 37 prósent voru frekar á­nægð, níu prósent voru hvorki né, tvö prósent voru frekar ó­á­nægð og eitt prósent var mjög ó­á­nægt.

Lítill munur var á ein­kunnar­gjöf á milli hópa. Í­búar höfuð­borgar­svæðisins voru á­nægðari með þáttinn en í­búar á lands­byggðinni. Að sama skapi mældist að­eins meiri ó­á­nægja í aldurs­hópnum 65 ára og eldri.

Könnunin var net­könnun meðal könnunar­hóps Prósent, gerð dagana 30. desember til 9. janúar. Í úr­taki voru 2.300 ein­staklingar 18 ára og eldri. Svar­endur voru 1.118 eða 49 prósent að­spurðra.