Lífið

Hlaðvarp um krabbamein

Kraftur, stuðningsfélag ungs fólks sem greinist með krabbamein, er 20 ára á næsta ári. Af því tilefni verður blásið í hátíðarlúðra með alls konar húllumhæi. Meðal verkefna verður að gera hlaðvarpsþætti um krabbamein en fyrsti þátturinn verður tekinn upp í dag.

Tólfan og Kraftur setja Íslandsmet í að perla. Hér eru Heimir Hallgrímsson og Freyr Alexandersson að perla og Gummi Ben að lýsa. Fréttablaðið/Ernir

Hulda Hjálmarsdóttir, framkvæmdastýra Krafts, segir að 20 ára afmælisár félagsins verði stútfullt af viðburðum og fróðleik. Meðal þess sem verður gert eru 10-12 hlaðvarpsþættir en fyrsti þátturinn verður tekinn upp í dag.

„Félagsmenn okkar búa yfir svo ótrúlega víðtækri reynslu sem getur nýst öðrum til góðs. Viðhorf okkar félagsmanna eru eftirtektarverð og markmiðið er að fræða fólk sem er í þessum sporum um hvað maður er að takast á við,“ segir Hulda.

Hún segir að planið sé að ræða opinskátt um hvernig það sé að vera í þessum aðstæðum og finna alla mögulega vinkla til að tala um. Meðal annars verður rætt um kynlíf, útlitsbreytingu, börn, aðstandendur og fleira. „Herbert Mckenzie verður umsjónarmaður en hann hefur verið með hlaðvarpið Prímatekið. Mér fannst það betra að fá einhvern sem stendur utan við félagið til að sjá um þetta. Ef þetta væri ég til dæmis, myndi ég spyrja öðruvísi en hann sem stendur utan við.“

Hlaðvarpið er aðeins hluti af dagskránni sem verður yfir afmælisárið en það mun byrja með pompi og prakt þann 12. janúar þegar hátíðin Lífið er núna verður haldin fyrir félagsmenn.

„Við erum alltaf að minna hvert annað á að njóta líðandi stundar með því að skapa vettvang þar sem fólk getur komið saman til að skapa góðar minningar, hvort sem það er með viðburðum eða sögum sem endurspegla að njóta skal líðandi stundar og að lífið sé núna eins og armböndin okkar minna á.“

Öflugur stuðningur frá Krafti

Stuðningsfélagið Kraftur var stofnað 1. október 1999 og hefur það að leiðarljósi að beita sameinuðum kröftum sínum til að aðstoða og styðja ungt fólk sem greinst hefur með krabbamein og aðstandendur þess. Félagið er fyrir fólk á aldrinum 18 til 40 ára en þar sem félagið er einnig fyrir aðstandendur er fólk á öllum aldri í félaginu.

Kraftur heldur úti jafningjastuðningi, hagsmunagæslu, öflugri fræðslu, samveru á jafningjagrunni, veitir hagnýtar upplýsingar og stuðlar að samvinnu félagasamtaka, heilbrigðisstarfsmanna og annarra sem koma að málefnum þeirra sem tengjast krabbameinssjúkdómnum.

Athugasemdir

Auglýsing
Auglýsing

Tengdar fréttir

Lífið

Fegurðar­sam­keppni bóka er tíma­skekkja

Lífið

Stekkjar­staur gladdi græn­lensk börn

Kynningar

Sjónarspil fær fólk til að hlæja

Auglýsing

Nýjast

Katrín Lea keppir í Miss Universe í Bangkok í kvöld

Bókar­kafli: Horn­auga

Bohemian R­haps­o­dy slær öll sölu­met í sínum flokki

Hefur grátið yfir bragðgóðum mat

Hefur myndað allar kirkjur landsins

Að klæja í lífið

Auglýsing