Ástralska leikkonan Cate Blanchett ætti að vera flestum kunn, enda hefur hún unnið til tvennra Óskarsverðlauna. Hún er ekki einungis þekkt fyrir afburða góðan leik heldur hefur hún löngum þótt hafa áhugaverðan og töff fatasmekk. Síðustu vikur hefur hún verið að kynna nýjustu mynd sína Where’d You Go, Bernadette? Hún er alltaf einstaklega smekkleg á rauða dreglinum, en þorir þó að taka áhættu. Meðfylgjandi eru skemmtilegar myndir af klæðavali leikkonunnar undanfarin misseri.

Hún hikar ekki við að klæðast áberandi litum og að endurnýta hluti, enda sást hún ósjaldan með þessa flottu bláu tösku á meðan kynningarherferð fyrir nýjustu mynd hennar stóð yfir.
Með leður­sandölum og stórum sólgleraugum tekst Cate að gera þennan einfalda gráa kjól aðeins öðruvísi.
Í Ástralíu í fallegri hvítri dragt.
Dökk augnmálningin fer óaðfinn­anlega við þetta svarta dress.
Cate hefur tvisvar hlotið Óskarsverðlaunin eftirsóttu.
Leikkonan á frumsýningu Where’d You Go, Bernadette?