Eitt um­svifa­mesta tón­skáld ársins, Hildur Guðna­dóttur, hlaut rétt í þessu Ís­lensku bjart­sýnis­verð­launin fyrir árið 2019. Guðni Th. Jóhannes­son, for­seti Ís­lands, af­henti verð­launa­gripinn á­samt einni milljón í verð­launa­fé við há­tíð­lega at­höfn á Kjarvals­stöðum í dag.

Þetta eru fyrstu verð­laun Hildar á árinu en að öllum líkindum ekki sú síðustu. Tón­list hennar úr kvik­myndinni Joker og sjón­varps­þátta­röðinni Cher­n­obyl hefur farið sigur­för um heiminn og rakað inn verð­launum. Hildur hlaut meðal annars Emmy verð­laun fyrir hljóð­heiminn í Cher­n­obyl og þykir hún sigur­strang­leg á Golden Globe há­tíðinni, þar sem hún hlaut til­nefningu fyrir tón­listina í Joker.

Ýmis­legt til lista lagt

Hildur hefur gefið út fjórar hljóm­plötur sem allar hlutu allar góðar við­tökur. Þá hefur hún komið að gerð yfir 20 hljóm­platna í sam­starfi við annað tón­listar­fólk. Tón­skáldinu er ýmis­legt til lista lagt en auk þess að semja tón­list spilar hún á sellu og hefur meðal annars sungið og starfað sem kór­stjóri.

Þetta er í tuttugasta skipti sem Bjart­sýnis­verð­launin eru af­hent en upp­hafs­maður þeirra var danski at­hafna­maðurinn Peter Bröste en ISAL ál­verið í Straums­vík hefur verið bak­hjarl verð­launanna frá því að Bröste dró sig í hlé árið 2000. For­seti Ís­lands hefur frá upp­hafi verið verndari verð­launanna.