Heimurinn minnist Christine McVie

Heimurinn minnist Christine McVi­e, söng­konu og laga­höfundar hljóm­sveitarinnar Fleetwood Mac, sem lést í gær 79 ára að aldri. McVi­e samdi lög líkt og Litt­le Lies, E­verywhere, Don't Stop, Say You Love Me og Son­g­bird. Hún er af mörgum talin einn besti laga­höfundur sam­tímans.

„Hún var besti tón­listar­maður sem ein­hver gat haft í sinni hljóm­sveit og besti vinur sem ein­hver gat átt,“ sögðu með­limir Fleetwood Mac. „ Við vorum svo heppin að hafa hana í lífi okkar. Bæði sem ein­staklingar og sem hópur, þá þótti okkur vænt um hana og við erum þakk­lát fyrir allar minningarnar. Hennar verður sárt saknað.“

Stevi­e Nicks, söng­kona og laga­höfundur í Fleetwood Mac sagði að hún hafi verið að missa bestu vin­konu sína. Hún skrifaði fal­legt bréf til vin­konu sinnar og sagði að hún myndi sjá hana á hinni hliðinni.

Mick Fleetwood, trommari Fleetwood Mac sagði að hluti af hjarta hans hafi flogið í burtu í dag og að hann muni sakna Christine.

Fyrr­verandi for­seti Banda­ríkjanna, Bill Clin­ton minntist McVi­e, en lagið „Don´t Stop“ eftir Fleetwood Mac var fram­boðs­lag Clin­ton árið 1992.

Söng­konan Sher­yl Crow sagði að heimurinn væri skrítinn staður án McVi­e.

Sjónvarpsmaðurinn Jeremy Clarkson lýsti yfir sorg sinni vegna fráfalls Mcvie.

Tónlistarmaðurinn Bryan Adams þakkaði McVie fyrir tónlistina

Hljómsveitin Duran Duran sagði að McVie væri einn allra besti lagahöfundur allra tíma