Helgarblaðið

Hefur eytt milljónum í heilsuna

Brot úr nýrri bók Sölva Tryggvasonar; Á eigin skinni.

„Þegar allt kemur til alls er þetta búið að vera ferðalag sem ég hefði aldrei viljað missa af. Það hefur skilað mér á stað þar sem mér finnst ég miklu sterkari en áður.“ Fréttablaðið/Eyþór Fréttablaðið/Eyþór

Sölvi Tryggvason er í viðtali í helgarblaði Fréttablaðsins. Hér að neðan er birt brot úr þriðja kafla bókar hans, Á eigin skinni.

Sjá einnig: Sá tvö­falt og kastaði upp eftir út­sendingar

3. kafli

Stóra myndin er sú sem fram hefur komið hér að ofan. Ég hrundi illa haustið 2007 og hef síðan þá farið í ferðalag sem var miklu miklu lengra en mig óraði fyrir. Það er ekki stimplað á ennið á mér, en síðan ég klessti af alefli á grjótharðan streituvegg haustið 2007 hef ég semsagt verið greindur með kvíðaröskun, athyglisbrest, félagsfælni, kulnun í starfi, síþreytu, fótaóeirð, iðraólgu, álagsastma, svimasjúkdóm, nýrnahettuvanda, alls kyns óþol fyrir hinum og þessum hlutum og sjálfsofnæmi. Allar þessar greiningar kölluðu á alls konar lyf. Fyrir utan verkjatöflur, magalyf og annað „hefðbundið dót“ úr apótekum sem ég mokaði í mig er hér listi yfir lyf sem ég hef tekið á vegferðinni sem flokkast sem geðlyf og hljómar svolítið eins og texti Megasar í laginu Við sem heima sitjum. Sum bruddi ég í stuttan tíma, önnur lengur:

Ég gæti skrifað miklu meira um þessa vegferð mína, en þessi bók er ekki hugsuð sem sjúkrasaga, heldur þvert á móti saga af því hvernig maður getur sigrast á alls konar hlutum. En forsöguna fannst mér ég þurfa að fjalla um af hreinskilni og finnst hún nauðsynleg í samhengi við leiðina til bata og það ferðalag sem ég lagðist í.

Ég gæti skrifað miklu meira um þessa vegferð mína, en þessi bók er ekki hugsuð sem sjúkrasaga,

Ég hef einfaldlega þurft að læra að gera alls konar hluti allt öðruvísi en áður. Á löngum köflum hef ég verið pirraður og vorkennt sjálfum mér. Ég gekk til geðlæknis í sex ár og sálfræðings í fimm og hætti þeim meðferðum ekki fyrr en mér fannst ég búinn að röfla úr mér rænuna þegar kemur að öllu því sem hefur amað að mér í gegnum tíðina. Peningurinn sem ég hef eytt í heilsu skiptir milljónum, en þegar allt kemur til alls er þetta búið að vera ferðalag sem ég hefði aldrei viljað missa af. Það hefur skilað mér á stað þar sem mér finnst ég miklu sterkari en áður.

Við erum öll alls konar. Allir þessir kvillar, greiningar og lyf eru góðra gjalda verð og geta hjálpað fólki að átta sig á því hvað við er að eiga tímabundið og auðvitað verðum við á köflum að hafa hlutina fastmótaða og vel skilgreinda. En þegar kemur að heilsu getur það beinlínis verið stórhættulegt að festast í hugtökum og ákveða að maður verði einhvern veginn ævina á enda. Eftir að hafa gengið hringinn á milli allra helstu sérfræðilækna og skilgreint mig á löngum tímabilum út frá tímabundnum einkennum, ákvað ég á einhverjum punkti að það myndi ekki skila mér neinu. Líkaminn endurnýjar sig mjög hratt og hugurinn líka ef við leyfum honum það. Höfum það hugfast að sumir hlutar líkamans endurnýjast á aðeins nokkrum vikum, aðrir á einhverjum mánuðum og enn aðrir á nokkrum árum. Líkami minn í dag þarf ekki að vera sá sami og eftir eitt ár eða tvö. Þess vegna er beinlínis rangt að festa sig í skilgreiningum um hina og þessa kvilla eins og þeir vari að eilífu.

Athugasemdir

Auglýsing
Auglýsing

Tengdar fréttir

Helgarblaðið

Sá tvö­falt og kastaði upp eftir út­sendingar

Helgarblaðið

Getur ekki talið allar plöturnar

Helgarblaðið

Fær innblástur úr listum og pólitík

Auglýsing

Nýjast

Gefst ekki upp

Hann er algjör stuðpinni

Andorra - Ísland: „Þarf alltaf að vera fótbolti‘?“

Anita Hirleker og verslunin Fischer sigurvegarar

Þegar Eurovision varð háalvarlegt

Frískandi eftirréttir í brúðkaupið

Auglýsing