Ungt breskt par, hin ní­tján ára gamla Rachel Kenne­dy og 21 árs gamli Liam McCrohan frá Hert­ford­skíri væru í dag milljarðamæringar ef að síðasta greiðsla þeirra í Eurojack­pot hefði farið í gegn. Það er breska götu­blaðið The Sun sem greinir frá þessu.

Þar segir að parið hafi verið al­gjör­lega miður sín þegar þau komust að því að allar á­skriftar­tölur þeirra í lottóinu hefðu komið upp síðustu helgi, tölurnar 6,12,22,29,33,6 og 11. Parið hafði keypt á­skrift fimm vikum fyrr og alltaf notað sömu tölurnar.

Segir að reikningur Rachel hafi verið skráður fyrir greiðslunum. Það var hins­vegar ekki nóg inná honum fyrir greiðslu í síðustu viku og því fór sem fór. Vinnings­féið að þessu sinni voru 182 milljónir breskra punda eða því sem nemur rúmum 32,5 milljörðum íslenskra króna.

„Ég var al­gjör­lega í skýjunum þegar ég hélt að ég hefði unnið en þegar ég komst að því að ég hafði ekki unnið, þá var Liam reyndar meira miður sín en ég,“ segir hún. Hún út­skýrir að Liam, sem er í hag­fræði í há­skólanum, hafi verið farinn að ráð­stafa meintu vinnings­féi þeirra.

„Hún var frekar ró­leg yfir þessu en ég hafði eigin­lega eytt þessu öllu í huganum,“ segir hann í sam­tali við breska götu­blaðið. Bæði tjáðu þau sig um málið á sam­fé­lags­miðlum sínum, líkt og má sjá hér að neðan.

Twitter/Skjáskot