Við tökur á ofur­hetju­myndinni X2: X-Men United árið 2003 fékk leik­konan og Óskars­verð­launa­hafinn Halle Berry upp í kok af fram­göngu leik­stjórans Bry­an Sin­ger. Sam­kvæmt með­leikara hennar Alan Cumming sagði hún leik­stjóranum að „kyssa á mér svarta rassinn“.

Sin­ger átti í miklum erfið­leikum við tökur myndarinnar og glímdi við mikla verkja­lyfja­fíkn. Tökurnar voru erfiðar og voru leikarar og aðrir bugaðir af á­lagi. Þar sem leikararnir óttuðust um öryggi sitt og heilsu leik­stjórans var á­kveðið að gera inn­grip og freista þess að koma honum til að­stoðar.

Hann hefur lítið látið fyrir sér fara undan­farin ár eftir á­sakanir um að hafa brotið kyn­ferðis­lega á börnum en á­vallt neitað sök.

Í væntan­legri bók sinni fer Cumming yfir tökur X2 og segir að Sin­ger „hafi sjálfur viður­kennt að hafa notað verkja­lyf á þessum tíma“ og hegðaði sér með undar­legum hætti. Miklar skap­sveiflur, of­sóknar­æði og reiði­köst voru al­geng og átti hann til að hverfa úr tökum í langan tíma.

Vegna þessa á­kváðu Berry og Cumming, á­samt með­leikurum sínum Pat­rick Stewart, Hugh Jack­man, James Mard­sen og Fam­ke Jens­sen - í búningum og máluð - að sitja fyrir leik­stjóranum í hjól­hýsi hans.

Að sögn Cumming talaði Berry „á hjart­næman hátt um fólk sem hún þekkti með vímu­efna­vanda,“ og hann sjálfur um á­hyggjur leikaranna af á­standi Sin­ger.

Leikarar í X2 voru afar á­hyggju­fullir yfir á­standi leik­stjórans.
Mynd/20th Century Fox

„Ég hef heyrt nóg. Þú mátt kyssa á mér svarta rassinn“, sagði Berry eftir inn­­gripið. Því fylgdi mikið fjaðra­­fok þar sem lög­­fræðingar og yfir­­­menn kvik­­mynda­versins 20th Century Fox, sem fram­­leiddi myndina, fóru yfir stöðuna. Fór svo að lokum að hinum ó­­sáttu leikurum var fyrir­­­skipað að bíta á jaxlinn og klára tökur, sem þeir og gerðu.

Full­trúar Berry og Sin­ger svöruðu ekki fyrir­spurnum Page Six vegna málsins. Fjöl­miðla­full­trúi leik­stjórans hefur áður sagt við The Hollywood Reporter að „ekkert svona lagað átti sér nokkurn tíma stað.“