Hakkararnir vilja peninga frá Bríet

Ó­prúttnu aðilarnir sem brutust inn á Insta­gram að­gang söng­konunnar Bríetar vilja fá pening frá henni í skiptum fyrir að­ganginn.

Líkt og Frétta­blaðið greindi frá fyrr í dag hefur að­gangi hennar verið stolið. Ekki er hægt að komast inn á að­ganginn hennar lengur sem er horfinn af for­ritinu.

Mbl.is hefur eftir söng­konunni að þjófarnir segi henni að hún fái að­ganginn til baka ef hún borgi þeim pening. Ekki sé um að ræða háa upp­hæð en Bríet segir það litlu skipta, hún fái að­ganginn ekki til baka þar með.

Ljóst er að á­rásin á að­gang Bríetar kemur er­lendis frá. Bríet er nú enn að skoða leiðir til að endur­heimta að­ganginn sinn og þær myndir og mynd­bönd sem þar er að finna.