Tón­listar­konan Brit­n­ey Spears er hætt að fylgja systur sinni, Jamie-Lynn Spears, á Insta­gram. Þykir þetta vera til marks um þá sundrung sem er uppi í fjöl­skyldu Brit­n­ey en eins og kunnugt er fékk hún sjálf­ræði á ný í nóvember síðast­liðnum.

Í frétt E! News er þess getið að Brit­n­ey fylgi að­eins 46 ein­stak­lingum á Insta­gram. Á meðal þeirra er unnustinn Sam Asghari og náin vin­kona hennar Paris Hilton. Jamie-Lynn er aftur á móti ekki lengur í þeim hópi þó að Jamie-Lynn fylgi enn systur sinni.

Heimildar­maður E! News segir að Brit­n­ey líði eins og Jamie-Lynn hafi ekki stutt nóg við bakið á henni í bar­áttu sinni fyrir sjálf­ræði. Þær hafi um langt skeið verið bestu vin­konur en nú sé annað uppi á teningnum.