Dýr hafa verið rauði þráðurinn í lífi mínu. Fjölskyldan var alla tíð í hestamennsku og oftast hundur á heimilinu. Í mörg ár bjó ég svo í sveit í Skagafirði og þjálfaði hunda og hesta,“ segir Steinar sem byrjaði í björgunarsveit um tvítugt. Fljótlega var hann kominn á kaf í starf björgunarhundasveitar og þjálfaði þá hunda í snjóflóða- og víðavangsleit.

„Ég var í björgunarsveitum í 25 ár í það heila og starfaði að auki sem lögreglumaður. Árið 2001 var ég hjá lögreglunni á Austurlandi og sýndi áhuga á því að læra hundaþjálfun. Því var vel tekið og embættið sendi mig í þjálfun hjá Þorsteini Hraundal sem á þeim tíma var hundaþjálfari hjá lögreglunni í Reykjavík,“ lýsir Steinar sem lærði þar þjálfun fíkniefnaleitarhunda. Síðar fór hann í leiðbeinendanám til Bretlands á vegum lögreglunnar og sérhæfði sig í þjálfun sprengjuleitarhunda. „Það er aðeins þróaðri og ítarlegri útgáfa af fíkniefnaleitinni,“ útskýrir hann.

Í dag starfar Steinar sem lögreglufulltrúi á Norðurlandi vestra. Hann þjálfar lögregluhunda og kennir auk þess lögreglumönnum hundaþjálfun. „Ég er með námskeið í gangi núna sem hófst í febrúar og lýkur í maí. Það er kennt í lotum bæði hér fyrir norðan og á suðvesturhorninu,“ segir Steinar og bendir á að starfsemi tengd lögregluhundum hafi legið meira og minna niðri í nokkur ár. „Svo tók ráðherra þá ákvörðun að fela lögreglunni á Norðvesturlandi þennan málaflokk og við höfum verið að byggja starfið upp að nýju í góðri samvinnu við lögreglustjóraembættið og menntasetur lögreglunnar.“

Steinar hefur gríðarmikla reynslu af þjálfun hunda og þó margir hlutir spili inn í til að þjálfun hunds lukkist vel segir hann eitt atriði alltaf þurfa að vera í lagi, og það er rétt fóðrun. „Rétt fóður skiptir miklu máli. Það er ekkert öðruvísi með hundana en okkur mannfólkið. Til að geta gefið full afköst þarf fóðrunin að vera rétt og rétt samsett.“

Hann segir rétta fóðrun skipta máli fyrir alla hunda en sérstaklega fyrir hunda sem mikið mæðir á eins og lögregluhunda eða aðra vinnuhunda. „Við sem vinnum við þetta sjáum svo vel hvað fóðrið skiptir miklu máli. Við krefjumst alltaf hámarks afkasta hjá þessum dýrum og afköstin velta á því hvernig þeim líður og hvort þau hafi næga orku.“

Frábært hundafóður frá Petis

Steinar mælir með íslenska Petis Happy Dog fóðrinu frá KS á Sauðárkróki. „Þetta er hráfóður sem unnið er úr íslensku hrossakjöti. Fóðrið fer greinilega vel í hundana, þeim líður vel og eru sáttir. Þeir borða þetta vel og finnst það greinilega gott,“ segir Steinar og bendir á að fóðrið innihaldi aðeins kjöt og dýrafitu en ekki sé í því korn eða annað sem algengt er að valdi ofnæmi hjá hundum. „Maður sér það líka á feldinum hvað fóðrið fer vel í hundana enda verður hann glansandi fallegur.“

Steinar notar hráfóðrið með þurrfóðri. „Stundum gef ég tvisvar á dag, og þá gef ég hráfóður í aðra máltíðina og blanda því við þurrfóður í seinni gjöfinni en ég nota þá þurrfóður.“

Steinar áréttir að fóðrið henti bæði vinnuhundum en líka venjulegum heimilishundum. „Stóri kosturinn við fóðrið frá Petis er að þetta er hreint kjöt og hlutfall milli fitu og próteins er miklu minna en í öðru fóðri,“ segir hann og bendir á að í mörgu fóðri sé hlutfall jurtafitu mjög hátt sem sé ekki tilvalið fyrir hunda.

Steinar er með þrjá hunda hjá sér í augnablikinu en annars fara fjölmargir hundar í gegnum hendur hans. „Ég mæli með hráfæðinu frá Petis við allt mitt fólk, enda eru hundarnir þarna að borða það sem náttúran ætlaði þeim.“

Petis Happy dog - íslenskt hráfæði fyrir hunda

Petis er fyrirtæki sem sérhæfir sig í framleiðslu á hágæða íslensku hráfóðri fyrir hunda. Framleiðslan fer fram á Sauðárkróki undir ströngu gæðaeftirliti.
Í fóðrið er notað íslenskt kjöt úr hrossum sem er náttúrlegur próteingjafi. Engin önnur aukaefni eru í vörunum annað en viðbætt steinefni og vítamín til að tryggja sem bestu næringu fyrir hundinn.
Kjötið í fóðrinu er alveg hrátt og selst það frosið til að ferskleikinn haldi sér sem best.
Kostir þess að nota hráfóður er að fóðrið fer betur í maga hunda, feldurinn verður glansandi og margir heilsufars- og meltingarkvillar hverfa.


Ráðlögð dagsþörf:
Ráðlögð dagsþörf er 2-3% af þyngd, því má skipta niður í tvær máltíðir. Hafa ber í huga að fóðurþörf skal miða við hreyfingu. Hundar sem hreyfa sig mikið þurfa því meira en hundar sem fá litla hreyfingu.

- 30 kg hundur 600-900 g
- 20 kg hundur 100-600 g
- 10 kg hundur 200-300 g
- 5 kg hundur 100-150 g

Innihald: Íslenskt hrossakjöt og viðbætt næringarefni.
Framleiðandi: Kjötafurðastöð KS á Sauðárkróki.
Sölustaðir: Garðheimar, Dýrabær, Dýraríkið og Skagfirðingabúð.