Amerísku tónlistarverðlaunin, eða American Music Awards, voru haldin með pompi og prakt á mánudaginn í Microsoft-höllinni í Los Angeles. Leikkonan Taraji P. Hensson var kynnir verðlaunanna í ár. Það voru þau Taylor Swift, the Weeknd, dúóið Dan + Shay og Justin Bieber sem voru sigurvegarar kvöldsins og hlutu þrenn verðlaun hvert. Roddy Ricch og The Weeknd hlutu flestar tilnefningar, eða átta hvor.

Leikarinn Anthony Anderson vakti lukku með alveg einstaklega skemmtilega grímu. Engir gestir voru í salnum og spaugaði YouTube-stjarnarn David Dubrovnik með pappaspjöld af þekktustu stjörnum heims sem var komið fyrir í nokkrum sætum.

Anthony Anderson sló í gegn með þessari skemmtilegu grímu.
Ciara kynnti The Weeknd á sviðið, í sama litrófi og söngvarinn.
Hin eina sanna Paris Hilton lét sig að sjálfsögðu ekki vanta.
Jennifer Lopez var glæsileg á sviðinu þegar hún tók lagið með kólumbíska tónlistarmanninum Maluma.
Justin Bieber tók lögin Lonely, Holy og Monster. Það síðastnefnda er nýtt lag með Justin og Shawn Mendes.
Hin nýbakaða móðir Katy Perry kom og tók eitt lag.
Megan Thee Stallion tók nýja smellinn sinn Body, en myndbandið við lagið hefur vakið usla síðustu daga.
Billie Eilish tók lagið Therefore I am með bróður sínum.
The Weeknd heldur áfram með þemað sem er rauði þráðurinn í myndböndunum hans síðasta árið, rauði jakkinn og sárabindið.