Glæpa­hlað­varp Kim Kar­dashian skýst upp vin­sælda­lista

Nýtt hlað­varp Kim Kar­dashian, The Sy­stem: The Case of Kevin Keith, hefur skotist upp vin­sælda­lista og er í dag vin­sælasta hlað­varpið í Banda­ríkjunum, þrátt fyrir að vera einungis viku­gamalt.

Hlað­varpið, sem er glæpa­hlað­varp, fjallar um Kevin Keith sem er dæmdur morðingi, en Kar­dashian telur hann vera sak­lausan og kafar hún í öll smá­at­riði í þáttunum. Hlað­varpið er einungis að­gengi­legt á Spoti­fy.

Hlað­varpið hefur steypt The Joe Rogan Experience af stóli sem vin­sælasta hlað­varpið í Banda­ríkjunum, en það er nú fallið niður í annað sætið.

Á Ís­landi er hlað­varp Kar­dashian í öðru sæti yfir vin­sælustu hlað­vörpin á Spoti­fy.

Enn hafa einungis tveir þættir verið gefnir út en búist er við því að nýir þættir birtist viku­lega.