Kynningar

Gjöf sem heldur áfram að gefa

Hjá Smart Socks er hægt að fá áskrift að fjölbreyttum og litríkum sokkum sem koma inn um lúguna í hverjum mánuði. Þar er einnig hægt að kaupa áskriftir handa öðrum og gefa gjöf sem gleður lengi.

Hjá Smart Socks er mikið úrval af litríkum jólasokkum og þar er hægt að fá sokka fyrir alla sem hafa náð skóstærð 34. MYND/EYÞÓR

Hjá Smart Socks er hægt að kaupa áskrift að nýjum sokkum. Það er bæði hægt að skrá sig í áskrift og vera rukkaður mánaðarlega eða kaupa gjafaáskrift handa öðrum og bjarga þeim frá jólakettinum.

„Þetta er flott gjöf milli vina eða viðbót við gjafir til maka eða barna,“ segir Gunnsteinn Geirsson, annar stofnanda Smart Socks. „Þetta getur líka verið sniðugt í skóinn, ekki síst að morgni aðfangadags. Svo heldur þetta náttúrulega áfram að koma eftir jól í hverjum mánuði, þannig að ef maður gefur 12 mánaða áskrift er maður í rauninni að gefa jólagjöf sem heldur áfram að gefa fram að næstu jólum.

Smart Socks selja litskrúðuga og djarfa sokka sem geta bæði lífgað upp á daginn og brotið upp klæðaburðinn. MYND/EYÞÓR

Við erum nýkomnir með margar mismunandi týpur af geggjuðum jólasokkum í vefverslunina okkar,“ segir Gunnsteinn. „Fyrir utan að vera sniðugar gjafir í skóinn getur líka verið gaman að kaupa sokka fyrir fjölskylduna, svo allir séu í jólasokkum á aðfangadag.“

Lágt verð og góð ending

„Það er hægt að velja á milli þess að fá eitt eða tvö pör á mánuði, í þrjá, sex eða tólf mánuði. Það er líka hægt að skrá sig hjá okkur í hefðbundna áskrift, en þá velur maður hvort maður vill eitt eða tvö pör á mánuði og er svo rukkaður mánaðarlega,“ segir Gunnsteinn. „Eitt par kostar 990 krónur á mánuði og tvö pör kosta 1.790 krónur. Svo eru gjafaáskriftirnar frá 2.970 krónum, en þá fær maður eitt par á mánuði í þrjá mánuði. Við teljum okkur vera með frekar lág verð og það kom okkur á óvart að okkur tókst að vera ódýrari en sambærileg þjónusta í Bandaríkjunum.

Allir sokkarnir eru úr 100% bómull og ég er enn að nota sokka sem við pöntuðum inn sem prufur fyrir einu og hálfu ári, þó ég setji þá yfirleitt í þurrkarann, þannig að þeir endast rosalega vel,“ segir Gunnsteinn. „Viðskiptavinir hafa líka talað um að þeir séu ánægðir með endinguna.“

Lífgar upp á daginn

„Það sem gerir sokkana okkar einstaka er litadýrðin og gleðin í sokkunum. Við erum ekki með hefðbundna svarta eða hvíta sokka, heldur reynum við að kaupa sokka sem mörgum finnst kannski djarfir, en okkur finnst lífga upp á daginn,“ segir Gunnsteinn. „Við höfum mikið úrval, en frá því að við byrjuðum höfum við selt um 400 ólíkar gerðir af misdjörfum sokkum. Ef maður kaupir áskrift er það frekar tilviljanakennt hvað fólk fær, en við reynum að hafa þetta fjölbreytt, þannig að það fái ekki allir eins sokka í hverjum mánuði.

Það sparar tíma að fá senda til sín nýja sokka á hverjum mánuði og mörgum finnst stemmning í því að vita ekki hvaða sokka þeir fá. MYND/EYÞÓR

Þetta getur hrist upp í stílnum hjá fólki sem hefur kannski verið hikandi við að kaupa sér litríka eða fjölbreytta sokka. Fyrir fólk eins og mig, sem er að vinna í banka og er þar af leiðandi alla jafna í jakkafötum eða álíka formlegum klæðnaði er þetta tilvalið til að lífga upp á daginn og brjóta upp klæðnaðinn,“ segir Gunnsteinn. „Þú ert svolítið rúðustrikaður í dökkum jakkafötum alla daga og það er gaman að geta hresst aðeins upp á klæðnaðinn og sett smá líf í hann.“

Sparar tíma og færir gleði

„Ef maður kaupir sokka í áskrift þarf maður aldrei að hugsa um að kaupa sokka. Þú skráir þig bara í áskrift og svo koma sokkarnir inn um lúguna,“ segir Gunnsteinn. „Það er skemmtilegt að fá alltaf sendan glaðning heim í hverjum mánuði og mörgum finnst stemning í því að sjá hvaða sokka þeir fá hverju sinni.

Gjafaáskrift frá Smart Socks er jólagjöf sem heldur áfram að gefa. Það er hægt að gefa fólki áskrift í 3, 6 eða 12 mánuði. MYND/SMARTSOCKS

Svo er alveg glatað að standa í því að para saman sokka eftir þvott ef maður á mikið af svipuðum sokkum,“ segir Gunnsteinn. „En þegar fólk kaupir sokka frá okkur fær það aldrei eins sokka, svo það er auðvelt að ganga frá þeim, sem sparar helling af tíma.“

Vilja bæta við barnasokkum

„Við erum með stærðir niður í 34 og fáum reglulega fyrirspurnir um barnasokka, sem er svona það sem vantar helst hjá okkur, en við erum að reyna að finna hentuga sokka í það,“ segir Gunnsteinn. „Það veitir kannski ekki síst af svona þjónustu fyrir krakka, sem fara hratt í gegnum sokka og týna þeim auðveldlega.

Það eru líka ýmsar hugmyndir á kreiki hjá okkur um að stækka við okkur,“ segir Gunnsteinn. „Við höfum áhuga á því að selja Smart Socks víðar en bara á Íslandi og erum að reyna að bæta við fleiri vörum, sérstaklega nærfötum.“

------------------------------------------------------------------------------------

Nánari upplýsingar, kaup á áskrift og myndir af sokkunum eru á heimasíðunni www.smartsocks.is.

Athugasemdir

Auglýsing
Auglýsing

Tengdar fréttir

Kynningar

Elskum að dekra við konur

Kynningar

Líf sem er ævintýri líkast

Kynningar

Jólin koma með Jóa Fel

Auglýsing

Nýjast

Hið góða mest gúgglað árið 2018

Plötuðu milljónir Twitter not­enda fyrir skóla­verk­efni

Bjóða þeim sem eru einir á jólum í há­tíðar­kvöld­verð

Súkku­laði flæddi um götur þýsks smá­bæjar

Fox hrædd við að opna sig þrátt fyrir #MeT­oo

Konur í aðalhlutverkum vinsælli en karlar

Auglýsing