Fyrrverandi NFL leikmaðurinn Michael Oher giftist ástinni sinni, Tiffany Roy, síðustu helgi. Oher er mörgum þekktur en líf hans og uppvöxtur var innblástur að bókinni og kvikmyndinni The Blind Side með Söndru Bullock og Quinton Aron í aðalhlutverkum.
Á vef CNN segir að Oher hafi gifst Roy í Nashville síðustu helgi en hann greindi sjálfur frá brúðkaupinu á Instagram í dag og mynd af þeim saman.
Við myndina sagðist hann vera fullur af ást og að hann trúi því varla að fólk hafi tekið sér tíma til að fagna með þeim. „Fallega ástin mín, ég elska þig svo mikið, takk fyrir að blessa mig með fjölskyldu okkar. Auðveldlega besta helgi sem ég hef upplifað.“
Parið á tvo syni, Kobi og MJ, og dæturnar Kierstin og Naivi. Þau hittust í háskóla og hafa verið saman í sautján ár.
Oher átti langan feril í amerískum fótbolta og spilaði meðal annars fyrir Ravens, Tennessee Titans og Carolina Panthers. Hann hætti að spila árið 2016.
Kvikmyndin The Blind Side kom út árið 2009 og fékk tilnefningu sem besta kvikmyndin á Óskarsverðlaununum þar árið. Sandra Bullock fékk verðlaun sem besta leikkonan það árið fyrir leik sinn í myndinni sem Leigh Anne Tuohy sem ættleiddi Oher.
