Lín Design er lífsstílsverslun þar sem vandaðar vörur og falleg hönnun er í fyrirrúmi. Fyrirtækjasviðið fer stækkandi með hverju árinu og stór sem smá fyrirtæki kjósa að velja vörur frá okkur í jólapakka starfsmanna sinna,“ segir Ágústa Gísladóttir, annar eigandi Lín Design.

Allt frá upphafi hafa fögur rúmföt verið eitt aðalsmerki Lín Design. „Rúmfötin hafa verið sérlega vinsæl til fyrirtækjagjafa. Þau eru úr hreinni pima-bómull, sem er ein sú vandaðasta sem hægt er að fá og öll litun er samkvæmt Oeko-Tex stöðlum. Innblástur að hönnuninni er sóttur í íslenska náttúru og gömul, íslensk mynstur. Við bjóðum einnig upp á rúmföt í smekklegum litum. Fyrirtæki velja gjarnan mismunandi rúmföt fyrir sitt starfsfólk svo jólapakkarnir séu ekki allir eins,“ segir Ágústa.

Sérhönnun að ósk fyrirtækja

Þá sérhannar Lín Design gjafapakkningar fyrir stærri fyrirtæki, sé þess óskað, t.d. með hlýlegri kveðju til starfsmanna. „Allar pakkningar Lín Design eru vistvænar og við notum ekki plast. Rúmfötum er pakkað inn í 40x40 púðaver þannig að hver og einn fær koddaver, sængurver og púðaver,“ segir Ágústa.

Dúnsængur- og koddar hafa einnig verið vinsælar jólagjafir, bæði til starfsmanna og viðskiptavina. „Hjá okkur er eingöngu notaður andardúnn í sængur og kodda,“ segir Ágústa.

Jólapokar með íslenska jólasveininum

Helsta nýjung Lín Design eru fallegir flöskupokar úr textíl og skemmtilegir jólapokar úr striga, skreyttir með myndum og sögum af íslensku jólasveinunum.

„Gjafakortin okkar njóta líka mikilla vinsælda. Með þeim getur hver og einn keypt réttu gjöfina fyrir sig,“ segir Ágústa en hjá Lín Design fæst allt til heimilisins. „Við erum með franska gjafavöru, svo sem glös, diska og skrautmuni svo allir ættu að finna eitthvað við sitt hæfi.“

Lín Design tekur á móti fyrirtækjum í versluninni að Smáratorgi 1 fyrir jólin og þar er farið yfir þarfir og óskir hvers og eins varðandi fyrirtækjagjafir.

Nánari upplýsingar fást í síma 5332220, www.lindesign.is og á www.facebook.com/lindesignicel...