Á myndunum má sjá fallega sparikjóla sem Givenchy sýndi á tískuviku í París fyrir haust/vetur 2019-2020. Glæsileikinn er sannarlega í fyrirrúmi. Hvert smáatriði útpælt og kvenlegur ljómi svífur yfir. Clare hefur starfað hjá Givency undanfarin tvö ár og er fyrsta konan sem heldur um stjórnartauma hjá fyrirtækinu. Clare sem er fædd 1970 hóf starfsferilinn hjá Calvin Klein í New York, fór síðan yfir til Ralph Lauren. Tom Ford bauð henni síðan að koma yfir til sín til að hanna nýja kvenlínu fyrir Gucci. Claire ákvað síðan að flytja til Skotlands og varð listrænn stjórnandi hjá Pringle of Scotland og fékk skosku hönnunarverðlaunin árið 2007 fyrir hönnun sína hjá fyrirtækinu. Enn hélt framabraut hennar áfram þegar hún flutti til Parísar og hóf störf hjá Chloé en þaðan lá leiðin til Givenchy. Givency er með elstu tískuhúsum, stofnað í París árið 1952.

Claire hlaut bresku hönnunarverðlaunin, British Fashion Awards, í fyrra en það var engin önnur en Meghan Markle sem tilkynnti þau óvænt á sviðinu og vakti mikla athygli enda þá komin nokkra mánuði á leið.

Tískutímaritið Vogue segir að Clare Waight Keller hafi markað sín spor hjá Givenchy nú þegar. „Hún sýnir tískuhúsinu djúpa virðingu með hönnun sinni en jafnframt fær reynsla hennar að njóta sín,“ segir í tímaritinu. Það er gaman að skoða þessa fallegu sparilínu frá Givenchy en hér eru nokkur sýnishorn.

Hátískan frá Givenchy sem var sýnd á tískuviku í París fyrir 2019-2020 var afar kvenleg. NORDICPHOTOS/GETTY
Glæsilegur silkikjóll með slá yfir.
Frumleg hönnun og flottur stíll.
Yfirbragðið gæti minnt á brúðarkjól og vel hægt að nota þennan sem slíkan. Líklegast þó frekar galakjóll.
Skemmtileg hönnun fyrir þær sem eru lítið fyrir kjóla en þess meira fyrir buxur.
Hvítur glæsilegur smóking. Skemmtileg lag á jakkanum.