Forstæisráðherra Danmerkur gekk loksins að eiga sinn heittelskaða Bo Tengberg í blíðskapar veðri í dag.

Parið ætlaði að gifta sig árið 2019 en þurfti að fresta því þegar Mette var skipuð forsætisráðherra. Kórónuveirufaraldurinn kom svo í veg fyrir að þau gætu gift sig í byrjun sumars en þá ákváðu þau að 18. júlí yrði dagsetning. Vildi svo til að leiðtogafundur Evrópusambandsins verður haldinn þá svo dagurinn í dag varð fyrir valinu.

Atthöfnin fór fram á eyjunni Møn sem liggur fyrir utan Suður-Sjáland en hjónin eiga sumarhús á eyjunni.

Mette og Bo kynntust árið 2014 en hafa verið par frá árinu 2016. Mette var áður gift Erik Harr og eiga þau tvö börn saman.