Lífið

Fer yfir ferilinn í nýrri bók

Landsliðsfyrirliðinn Aron Einar Gunnarsson mun segja sögu sína og fara yfir ferilinn í nýrri bók sem kemur út fyrir jólin

Aron Einar Gunnarsson verður einlægur í nýrri bók. Anton Brink

Landsliðsfyrirliðinn Aron Einar Gunnarsson mun segja sögu sína og fara yfir ferilinn í nýrri bók sem kemur út fyrir jólin en í bókinni opnar hann sig upp á gátt og er hún einstök innsýn í líf atvinnumannsins. Þetta kemur fram í fréttatilkynningu frá Aroni.

Bókin mun bera heitið Aron - Sagan mín og kemur fram að kappinn hefur verið með hugmyndina lengi í maganum.

„Ég byrjaði að skrifa hjá mér punkta og hugleiðingar í kringum EM-ævintýrið. Það var svo fyrir rúmu ári sem ég ákvað að láta verða af því að gefa út bók og vinna við hana hófst í byrjun þessa árs. Ég hef að vissu leyti fullorðnast í sviðsljósinu en þrátt fyrir það hefur fólk kannski aldrei raunverulega fengið að kynnast mér, enda rista hefðbundin fótboltaviðtöl grunnt.“ 

Í bókinni mun Aron fara yfir ferilinn allt frá fyrstu skrefum sínum á Akureyri til stærsta sviðs heims, þar sem hann keppti gegn mönnum á borð við Ronaldo, Messi og Modrić í lokakeppnum EM og HM.

„Fólk hefur fylgst vel með landsliðinu og stutt dyggilega við bakið á okkur í ævintýri undanfarinna ára. Mig langaði til að opna dyrnar aðeins fyrir fólki og leyfa því að skyggnast bakvið tjöldin. Segja sögur sem hafa ekki fengið að heyrast áður opinberlega og leyfa fólki
að upplifa þessi ævintýri með mínum augum,“ segir Aron.

Þá ræðir Aron opinskátt um þá ákvörðun að fórna því að vera viðstaddur fæðingu sonar síns, að verða skúrkur eftir ummæli í fréttaviðtali og líkamlegu og andlegu þrekraunirnar sem fylgja álaginu í boltanum.

„Ég fer yfir ýmis þekkt atvik á ferli mínum og í raun ákvað ég að skilja ekkert undan. Ég tala til dæmis um þá ákvörðun að missa af fæðingu sonar míns til að spila leik í undankeppni HM, en ég sé þá ákvörðun í allt öðru ljósi í dag en ég gerði þegar ég tók hana á sínum tíma. Og ég tala líka um hvernig það var að upplifa að verða skyndilega skúrkur meðal þjóðarinnar vegna ummæla sem ég lét falla fyrir landsleik gegn Albaníu. Það er í raun fjölmargt sem mig hefur langað til að koma frá mér og úr því er bókin samansett.“ 

Athugasemdir

Auglýsing
Auglýsing

Tengdar fréttir

Lífið

Rússnesk stúlka krækti í íslenskan landsliðsmann

Lífið

Disney birtir nýja stiklu úr Dumbo

Lífið

Efsta hæðin á Tryggvagötu 18 til sölu

Auglýsing

Nýjast

Hildur Eir og Heimir opna sig um skilnaðinn

Birti mynd af sér í karaókí með Zucker­berg

Hömlulaus og hamflett í Tvískinnungi

Heimildirnar eru bensínið

Undraheimar tískunnar opinberaðir

Vísaði ó­vart í nýjasta lag Ari­önu Grande á Twitter

Auglýsing