Breski leikarinn Daniel Radcliffe tjáir sig um það hver Harry Potter myndanna er í uppáhaldi hjá honum í afar skemmtilegu myndbandi sem vefmiðillinn Wired birti á Youtube síðu sinni nú á dögunum.

Í myndbandinu svarar leikarinn mest lesnu spurningunum sem vefverjar hafa slegið inn um kappann á Google og útkoman er vægast sagt stórskemmtileg en margir veltu því jafnframt fyrir sér hvaðan kappinn væri en hann er auðvitað frá Englandi.

Það kemur eflaust mörgum á óvart hvaða Harry Potter mynd reyndist vera í uppáhaldi hjá kappanum en það var fimmta myndin, Harry Potter and the Order of the Phoenix, þó hann taki einnig fram að síðasta myndin hafi verið góð. 

„Ég elskaði síðustu en ég elskaði líka fimmtu myndina virkilega mikið. Hún er ekki í uppáhaldi hjá mörgum og ég geri mér grein fyrir því en ég kann að meta hana út af sambandi Harrys og Siriusar og það er mikið af Gary Oldman í myndinni og svo var líka mjög gaman að taka hana upp, þannig fimmta eða síðasta myndin.“