Lífið

Eru álfar danskir menn?

Fólk að misheyra texta í þekktum dægurlögum er klassískur brandari. Hljóðfærahúsið skellti í þráð um þetta á Facebook á dögunum og Lífið ákvað að birta hér á prenti nokkur bestu misskilningsdæmin.

Eru þetta álfar? Getty Images

Það getur verið erfitt að heyra texta þegar tónlistarfólk baular þá yfir hávaða úr alls kyns hljóðfærum. Sumar misheyrnirnar eru vafalaust sálrænar og segja ýmislegt um þann sem heyrir rangt og væri hægt að stúdera það í lengri tíma. Sumir skrumskæla textana viljandi í huga sínum í oft annarlegum tilgangi á meðan aðrir lifa bara sínu lífi eðlilega í mörg ár haldandi að Bubbi sé að sniffa teppalím þegar hann ferðast aftur í tímann eða að jólin séu eldvarnarhátíð.

Fólk virðist hvorki skilja né heyra hvað Sálin er að segja.

Sálin

Hey Kanína

Misheyrt: „Feita Nína, komdu í partí …“

Það var víst ekki feita Nína sem var verið að bjóða til veislu heldur Kanína – en feita Nína er áreiðanlega fínasti partígestur og Sálin ætti nú að sjá sóma sinn í að bjóða henni í næsta partí.

Ég þekki þig

Rétt: „Ég þekki þig og þínar langanir“

Misheyrt: „Ég þekki þig og þína langömmu“

Stebbi Hilmars þekkir alveg pottþétt langömmu þína en það eru þó langanirnar sem hann þekkir best.

Ábyggilega

Misheyrt: Ég veit um konu sem kann ekki á útvarp, hún er með krabbamein alveg eins og þú

Líklega er um að ræða viljandi misheyrn hérna eða útúrsnúning en ég hef ekki fyrir því neinar sannanir þannig að þetta stendur. Konan kemur samt á óvart og er í Krabbanum, stjörnumerkinu sko.

Glæfralegt – enda má alveg kalla jólin eldvarnarhátíð. Getty Images/Gorilla RM

Þú og ég

Aðfangadagskvöld

Misheyrt: Þetta aðfangadagskvöld, fyrsta aðfangadagskvöld, er eldvarnarhátíðin mest

Vissulega eru jólin eldvarnarhátíð því að á þessum tíma árs stendur á nánast hverjum einasta borðfleti landsins logandi kerti sem bíður eftir því að falla í mjúkan faðm gólfteppisins. En í þessum texta er verið að vekja athygli á því að börn elska jólin.

Það er ekki mikið um stóla á Mýrdalssandi. Pjetur Sigurðsson

GCD

Mýrdalssandur

Misheyrt: Það er rigning og myrkur og meinlegir skuggar á Mýrdalssand’ og hvergi stól að fá

Líklegast er það rétt að það sé ekki marga stóla hægt að fá á Mýrdalssandi, en það er þó ekki það sem Bubbi og Rúnar voru að syngja um.

Bubbi

Afgan

Misheyrt: Ég sniffa teppalím og ég ferðast aftur í tímann

Bubbi sukkaði töluvert í gamla daga en hann var samt ekki að tala um teppalím í Afgan. Tímavélin sem um ræðir hér er breska rokkhljómsveitin (Led) Zeppelin þó svo að teppalím gæti mögulega, í nógu stórum skömmtum, látið mann halda að maður væri að ferðast aftur í tímann.

Þessi kind er ekki með silfurtær en virðist samt nokkuð hress. Húsdýragarður

Bjarki Árnason

Sem lindin tær

Misheyrt: Já, ef ég mætti lifa eins og kind með silfurtær, sem lög á sína undrastrengi slær.

Hið undurfallega lag Bjarka Árnasonar er engin undantekning og hefur verið misskilið. Kannski er þetta ekkert svo klikkað, kindur eru alveg tiltölulega frjálsar, þannig lagað – þær þurfa ekki að mæta til vinnu og svona. En það er víst lindin sem er silfurtær og Bjarki öfundar svona mikið af frelsi sínu.

Björgvin Halldórsson fer ekki leynt með aðdáun sína á Brendu Lee. Redferns

HLH flokkurinn

Vertu ekki að plata mig

Misheyrt: Ég sá hana í horninu á Mánabar, Hún minnti mig á brennivín

Þetta er misskilningur sem virðist ansi algengur – margir hafa trúað því að svona sé textinn í raun og veru í mörg ár. Þó er það Brenda Lee sem stúlkan á Mánabar minnti á.

Eru þetta álfar? Getty Images

Magnús Þór Sigmundsson

Álfar

Misheyrt: Eru álfar danskir menn?

Textinn er reyndar „eru álfar kannski menn“ en boðskapurinn er nánast sá sami í þessum misskilningi. Hér leynist einhver gagnrýni á dönsk yfirráð yfir Íslandi – Danir eru svona falið afl eins og álfar eru á landinu og eitthvað. Djúpt. Það má vinna með þetta.

Athugasemdir

Auglýsing
Auglýsing

Tengdar fréttir

Menning

Réttvísi í ríki ræningjanna

Lífið

Lýtaaðgerðirnar voru mistök

Lífið

María Rut og Ingileif selja; „Fyrsta íbúðin okkar saman“

Auglýsing

Nýjast

Biggi í Dimmu hvetur til snið­­göngu Euro­vision

Draumahöll Huldu í Módern til sölu

Góð ráð: Hvernig búa skal bílinn undir veturinn

Fataskápur afa breytti öllu

Hreyfingin hjálpar gegn tímaruglinu

Kona fer í stríð fram­lag Ís­lands til Óskars­verð­launa

Auglýsing