„Þetta er rosadæmi. Við erum náttúrlega að klára þetta stóra dæmi með þessum bólusetningum og svona að sjá allt verða aðeins eðlilegra og það er sko rosalega viðeigandi að halda svona upp á þetta. Vera bara með alveg brjálaða Þjóðhátíð. Sko, ÞJÓÐ-hátíð,“ segir rapphundurinn Blaz Roca, einnig þekktur sem Erpur Eyvindarson, með áherslu þunga á þjóðina. „Ég held þetta verði svakalegasta Þjóðhátíð bara frá upphafi. Þetta verður eitthvað rosalegt. Ekki spurning.“

Mikilvæg endurkoma

Erpur slær hvergi af þegar hann útskýrir mikilvægi Rottweilerhundanna fyrir þessa fyrstu Þjóðhátíð eftir Covid. „Það er ekki búið að vera rassgat að frétta og fólk bara búið að vera að horfa á svona sjónvarpsskemmtikrafta.

Þetta verður ekki fyrsta grillveislan, hjá hvorki Blaz Roca né XXX Rottweilerhundum, á Þjóðhátíð í Herjólfsdal.
Mynd/Sigurjón Ragnar

Það er búið að vera sjónvarpssöngl af ýmsu tagi. Svona sitjandi gítargutl og það er rosalega mikilvægt að við komum þarna á einmitt þessa hátíð og biðjum bara að heilsa þessu krepputímabili lifandi tónlistar með alvöru dæmi,“ segir Erpur og bætir við að XXX Rottweiler séu bestir milliliðalaust.

„Þess vegna er svo gott að við séum framarlega á fyrstu Þjóðhátíð eftir að fólk getur leyft sér að njóta annars en sjónvarpssöngls.“

Milljón manns að djöflast

Þegar Erpur er spurður hvort þjóðhátíðarstemningin höfði eitthvað til óheflaðs rappara úr Kópavogi stendur heldur ekki á svörum. „Sko, mér finnst allt við milljón manns að djöflast, bara glussandi í sig alveg dag eftir dag og alveg bara einbeita sér að því, alveg rosalega hressandi. Það er bara klassískt hvar sem er í heiminum.

Klara Elias bíður spennt eftir því að fá tækifæri til að syngja nýja lagið sitt í Dalnum og þótt Guðrún Árný hefði alveg verið til í Brekkusönginn er hún sátt við að hita upp fyrir hann á kvöldvökunni.
Fréttablaðið/Samsett

Svo náttúrlega eru Eyjamenn mjög skemmtilegt lið. Mjög sérstakur ættbálkur og mér finnst alltaf mjög gaman að vera í Eyjum. Þú veist, með Eyjaliðinu. Síðan verða náttúrlega svona þrjátíu þúsund Grafarvogsbúar í gúmmíbúningum þarna. Veltandi um bara. Þeir náttúrlega eru sprækir. Það er gott að hafa þá í gúmmíinu. Sko, svo þeir slasi sig ekki.“

Hundarnir koma

Erpur og Rottweilerhundarnir eru engir byrjendur þegar Þjóðhátíð er annars vegar en Erpi reiknast til að fjögur ár séu síðan hann skemmti þar síðast. „Þetta er ekki fyrsta grillveislan, hjá hvorki Blaz Roca né XXX Rottweilerhundum, á Þjóðhátíð í Herjólfsdal.

Þetta kannast allt við okkur, sko. Lifandi og dautt mun alveg finna þefinn af okkur áður en við komum að landi. Við erum svo þjóðlegir, Rottweiler. Ef við værum á tímum spænsku veikinnar og horfðum til klerka og sýslumanna þá elska þeir okkur. Þeir bara kýla sig í punginn og biðja Maríubænir og viðurkenna það bara.“

Þegar Erpur er spurður við hverju megi búast af þeim á sviðinu bendir hann á að Rottweiler hafi ekki spilað neitt sérstaklega oft seinustu árin en þeir muni koma vel nestaðir.

„Við erum náttúrlega búnir að vera að gera tónlist reglulega alveg frá upphafi þannig að þetta eru Negla og allt þetta. Það verða nýleg lög og öll stærstu lögin okkar frá upphafi.“

Alltaf gaman

Erpur og félagar eru síður en svo eina viðbótin við þá sem þegar hefur verið tilkynnt að verði á Þjóðhátíð og nú liggur fyrir að Sprite Zero Klan, Háski og Hipsumhaps taki einnig þátt í fjörinu.

Þá er sunnudagskvöldvakan, þar sem Halldór Gunnar Fjalalbróðir verður kórstjóri, ekki síður vel skipuð þeim Röggu Gísla, Klöru Elias, Pálma Gunnarssyni, Guðrúnu Árnýju og Jóhönnu Guðrúnu.

„Að syngja með Brekkunni er ólýsanleg upplifun sem ég hlakka til að endurtaka á næstu þjóðhátíð,“ segir gamla brýnið Pálmi Gunnarsson og Guðný Árný slær svipaðan tón: „Þvílíkur heiður að fá að syngja með Albatross á kvöldvökunni. Það hefði verið frábært að fá Brekkusönginn en ég fæ að hita upp fyrir hann með frábærum listamönnum. Færi mig svo bara yfir í brekkuna á eftir og syng mig hása með Magnúsi.“

Þessi hátíð markar tímamót hjá Klöru sem horfir spennt til Eyja: „Þetta verður í fyrsta skipti á mínum tónlistarferli sem ég kem fram á Þjóðhátíð og ég er einstaklega þakklát að fá að gera það á þessari sögulegu stund, eftir erfitt ár fyrir heiminn, þar sem við verðum loksins öll saman komin í Brekkunni! Ég get heldur ekki beðið eftir að syngja nýja lagið mitt Heim, sem ég gaf út til heiðurs þessa hápunkts sumarsins.“

Eyjar eru í uppáhaldi hjá Króla og JóaP og gamla brýnið, Pálmi Gunnarsson, segir það ólýsanlega upplifun að syngja með í Brekkunni.
Fréttablaðið/Samsett

Þetta er uppáhalds eyjan okkar og eitt skemmtilegasta gigg ársins,“ segja Króli og JóiP sem kemst að kjarna málsins: „Alltaf gaman að spila í Dalnum.“

Erpur og félagar eru síður en svo eina viðbótin við þá sem þegar hefur verið tilkynnt að verði á Þjóðhátíð þar sem Sprite Zero Klan, Háski og Hipsumhaps bætast í hópinn.

Þá er sunnudagskvöldvakan, þar sem Halldór Gunnar Fjallabróðir verður kórstjóri, ekki síður vel skipuð þeim Röggu Gísla, Klöru Elias, Pálma Gunnarssyni, Guðrúnu Árnýju, Sverri Bergmann og Jóhönnu Guðrúnu.

„Að syngja með Brekkunni er ólýsanleg upplifun sem ég hlakka til að endurtaka á næstu Þjóðhátíð,“ segir Pálmi og Guðrún Árný slær svipaðan tón: „Þvílíkur heiður að fá að syngja með Albatross á kvöldvökunni. Það hefði verið frábært að fá Brekkusönginn, en ég fæ að hita upp fyrir hann með frábærum listamönnum.“

„Þetta er uppáhaldseyjan okkar og eitt skemmtilegasta gigg ársins,“ segja Króli og JóiP, sem kemst að kjarna málsins: „Alltaf gaman að spila í Dalnum.“