Flestir þekkja undursamlega maska Bláa lónsins. Þeir eru einkennandi fyrir staðinn og mikilvægur partur af upplifuninni.

„Maskarnir eru hluti af Blue Lagoon húðvörulínunni sem er byggð á áratuga löngu rannsókna- og þróunarstarfi,“ segir Ása Brynjólfsdóttir, rannsóknar- og þróunarstjóri Bláa lónsins.

„Í möskunum eru einstök virk náttúruleg efni, eins og Blue Lagoon jarðsjór sem inniheldur þörunga, kísil og fleiri steinefni sem unnin eru með sjálfbærum aðferðum,“ segir Ása.

Bláa lónið er fyrir löngu orðið þekkt fyrir lækningamátt sinn.

„Það sem gerir húðvörurnar jafn áhrifaríkaríkar og raun ber vitni eru einmitt hin einstöku virku efni jarðsjávarsins í lóninu,“ upplýsir Ása.

Náttúruleg fegurð

Gjafaaskjan inniheldur alla fjóra maska Bláa lónsins sem saman stuðla að náttúrulegri fegurð húðarinnar.

Kísilmaski – er ein þekktasta og vinsælasta húðvara Bláa lónsins. Hann djúphreinsar og styrkir efsta varnarlag húðarinnar.

Þörungamaski – endurnærir og eykur ljóma húðarinnar. Inniheldur hina einstöku Blue Lagoon þörunga sem rannsóknir hafa sýnt að viðhalda þéttleika húðarinnar.

Kornamaski – endurnýjar og jafnar áferð húðarinnar. Fínmalað hraun hjálpar til við að hreinsa yfirborð húðarinnar á mildan hátt og hún verður móttækilegri fyrir næringu og raka.

Rakamaski – er unninn úr steinefnaríkum jarðsjó Bláa lónsins. Hann er öflugur rakagjafi fyrir húðina. Maskann má einnig nota yfir nótt.

Heillandi heimilislína

Bláa lónið teflir nú fram glænýrri Home-vörulínu sem var þróuð sérstaklega fyrir The Retreat, hótel Bláa lónsins sem var opnað síðastliðið vor.

„Kósíkvöld innihalda oftar en ekki andlitsmaska, kertaljós og jafnvel baðsalt, en það er einmitt hluti af nýju Home-línunni,“ segir Atli Sigurður Kristjánsson, markaðsstjóri Bláa lónsins.

Margra spennandi nýjunga er að vænta í Home-línu Bláa lónsins fyrir jólin, þar á meðal dýrindis handsápu og handáburðar í fallegum glerflöskum með pumpu.

„Því er um margt að velja í jólapakkann frá Bláa lóninu nú en mikilvægi þess að hugsa um vellíðan og heilsu starfsmanna er jólagjöf sem mun ávallt gleðja,“ segir Atli Sigurður.

Fæst í Bláa lóninu, í verslun Bláa lónsins á Laugavegi 15, í Flugstöð Leifs Eiríkssonar, Hreyfingu í Glæsibæ og vefversluninni bluelagoon.is. Allar nánari upplýsingar á bluelagoon.is.