Að þessu sinni ætlar Hanna Þóra að laga fyrir okkur kúrbíts pasta með ostasósu sem er sáraeinfalt. Þá kemur kúrbíturinn í raun í staðinn fyrir pastað. Syndsamlega ljúffengt með ostasósunni þar sem piparosturinn er í aðalhlutverki. Næstu vikur heldur Hanna Þóra síðan áfram að sýna hvernig á að útbúa ketó veislur fyrir alla fjölskylduna á einfaldan og fljótlegan máta svo vert er að fylgjast með.

Uppskrift dagsins:

Kúrbíts pasta með ostasósu

1 stk. kúrbít

Byrjum á því að skola og ydda kúrbítinn. Leggið á disk og saltið vel yfir. Leyfið þessu að standa á meðan þið gerið pastasósuna. Með þessu svitnar kúrbíturinn auka vökva út.

1 box sveppir

Smjör eftir smekk

2 hvítlauksrif

3 beikonsneiðar

1 stk. piparostur

300 ml rjómi

Svartur pipar

Parmesan ostur

Smjörsteikið sveppi með hvítlauk á pönnu ásamt beikoni. Rífið piparost niður og bræðið ostinn saman við rjóma. Kryddið með svörtum pipar.

Skolið kúrbítinn í sigti og takið saltið af honum. Setjið kúrbítinn á diska og bætið svo ostasósunni ofaná. Toppið með ferskum parmesan osti.