Í síðasta þætti með Hönnu Þóru fór hún í verslunarferð og gaf góð ráð þegar velja á ketóvæn hráefni til að mynda í rétt dagsins. Næstu vikur ætlar Hanna Þóra að halda áfram að sýna hvernig á að útbúa ketó veislur fyrir alla fjölskylduna á einfaldan og fljótlegan máta.

Uppskrift dagsins:

Ketó ostabrauðstangir

1 stk. Grillostur

Parmesan rifinn eftir smekk

Oreganó eftir smekk

Marinara/Pizza sósa

Olía til steikingar

Skerið ostinn niður í sneiðar og steikið á pönnu þar til osturinn verður fallega gylltur og stökkur. Snúið við og steikið hina hliðina. Takið af pönnunni og skerið niður í hentuga stærð. Stráið parmesan osti og oreganó yfir. Berið ostastangirnar fram með marinarasósu.