Glæsilegt þriggja hæða einbýlishús á Sólvallagötu 10 er nú til sölu hjá Mikluborg og Jasoni Ólafssyni en á fasteignavef Fréttablaðsins kemur fram að um sé að ræða 416 fermetra hús á 792,7 fermetra lóð.

Eins og fram hefur komið er húsið á þremur hæðum, þar af eru tvær stofur, sex svefnherbergi, auk fataherbergis, þrennra baðherbergja, glæsilegu eldhúsi, þvottahúsi og bílskúr. Þá er rífleg lofthæð á öllum hæðum og bílastæði á lóð fyrir sex bíla. Fasteignamat hússins eru 162,600 milljónir en óskað er eftir tilboði.

Fram kemur að haldið hafi verið í upprunalegt útlit hússins að utan sem innan en samræmi er í efnisvali á innréttingum í öllu húsinu og þá er gólfhiti um gervallt húsið. Snjallstýring er á hita og lýsingu auk öryggiskerfis en Instabus hússtjórnarkerfi er í húsinu.