Berglind Hreiðars einn okkar vinsælasti köku- og matarbloggari sem heldur úti síðunni Gotterí og gersemar er hér búin að taka Betty Crocker gulrótarkökumix og breyta því á einfaldan hátt yfir í undursamlega og djúsí köku. Hún er búin að bæta við hinu og þessu til að gera góða köku enn betri.

„Ég elska síðan rjómaostakrem og því fáið þið útfærslu af slíku hér með í þetta skiptið,“ segir Berglind og lofar að þessi gulrótarkaka eigi eftir að hitta í mark.

Gulrotarkaka-1-683x1024.jpeg

Gulrótarkaka

1 p Betty Crocker gulrótarkökuduft

4 egg

200 ml Isio4 matarolía

200 ml appelsínusafi

1 msk. appelsínubörkur

2 tsk. vanilludropar

1 tsk. kanill

½ tsk. engiferduft

40 g rifnar gulrætur

Hitið ofninn í 160°C. Spreyið hringlaga kökuform vel að innan með matarolíuspreyi. Pískið egg, olíu, appelsínusafa, appelsínubörk og vanilludropa saman í hrærivélarskálinni. Bætið gulrótarkökudufti, kanil og engiferdufti í hrærivélarskálina og hrærið áfram á meðalhraða og skafið niður á milli. Bætið að lokum rifnum gulrótum saman við og hellið í kökuformið. Bakið í um 35 mínútur eða þar til prjónn kemur út með smá kökumylsnu á endanum, ekki blautu deigi.

Gulrotarkaka-28-683x1024.jpeg

Rjómaostakrem

130 g rjómaostur við stofuhita

60 g smjör við stofuhita

280 g flórsykur

1 tsk. vanilludropar

Þeytið rjómaost og smjör saman stutta stund. Bætið flórsykrinum saman við í nokkrum skömmtum, skafið niður og þeytið á milli. Bætið að lokum vanilludropunum saman við og þeytið kremið þar til kekkjalaust og létt í sér. Smyrjið yfir efri hlutann á kökunni. Upplagt er síðan að rífa niður smá gulrætur og strá yfir kremið.