Einar Ágúst Víðisson, tónlistarmaður, segir að hann hafi tekið á sig vörslu 55 gramma af amfetamíni í stað einstæðrar móður. Einar Ágúst var í viðtali við Reyni Traustason í hlaðvarpsþætti Mannlífs þar hann ræddi meðal annars handtökuna, aðkomu sína að Dettifossmálinu svokallaða og samskipti sín við DV.

Í viðtalinu ræðir um glímuna við fíknina, segist hann vera kominn með nóg. „Ég er svo mikill auli að ég hef valið aula til að hanga með, sagði einhver við mig,“ sagði hann um félagsskapinn.

Einar Ágúst opnaði sig svo um dóminn. „Ég hef einu sinni fengið dóm, fyrir vörslu á 55 grömmum af amfetamíni,“ segir hann.

Handtekinn í Dettifossmálinu

„Ég var handtekinn 2004 í tengslum við svokallað Dettifossmál. Það var innflutningur á 11 kílóum af amfetamíni og þeir missa af 25 kílóum af hassi, löggan náði því aldrei. Ég var þarna að versla mér eiturlyf. Og er handtekinn með þessu fólki. Restin af öllu fjölmiðlafárinu, fram að því að ég fæ dóminn 2005.“

Á þeim tíma hafi hann verið á góðum stað í lífinu, verið giftur og vinna á Popp Tíví. „Ég var að vinna á FM957, var með daglegan þátt. Ég var að prófa 10 milljón króna bíla fyrir Ísland í dag, ég vissi ekkert um bíla. Ég spurði Þórhall Gunnarsson hvort hann vildi ekki láta Svala eða einhvern hafa þetta sem veit eitthvað um bíla, Þórhallur var bara svo mikill vinur minn að hann vildi hafa mig þarna,“ segir Einar.

Einar Ágúst fer svo inn á annan anga málsins, að hann hafi tekið á sig efnin sem fundust á honum. Var því lýst í DV árið 2005 að Einar hafi staðið inni í eldhúsi við hliðina á grammavog, hann hafi svo framvísað stórri kúlu úr vinstri buxnavasa, í kúlunni hafi verið rúm 50 grömm af amfetamíni. Samkvæmt fréttum DV var Einar Ágúst dæmdur í þriggja mánaða skilorðsbundið fangelsi.

„Svo þegar kemur í ljós að ég væri ekki ákærður í þessu máli. Það var sagt að Einar væri ákærður fyrir vörslu á 55 grömmum á amfetamíni. Sem ég tók á mig fyrir einstæða móður sem ég vildi ekki að…,“ sagði Einar.

Hér má hlusta á viðtalið í heild.