Emma Portner, eigin­kona leikarans Elliot Page, kveðst vera stolt af því að maðurinn hennar sé trans og hrósar honum ó­spart í færslu á Insta­gram. Portner sagði til­veru Elliots vera gjöf í sjálfu sér og hvatti fylgj­endur sína til að styðja við bar­áttu trans fólks.

Óskar­sverð­launa­haf­inn Elliot Page til­­kynnti í gær­kvöldi opin­ber­lega að hann væri trans. Page, sem er hvað þekktastur fyr­ir leik sinn í kvik­­mynd­inni Juno, sagði að hann vildi ekki lengur vera á­varpaður með for­nafninu Ellen og bað um að vera kallaður hann eða hán.

Heppinn að geta verið hann sjálfur

„Mér finnst ég vera heppinn að vera að skrifa þetta,“ sagði Elliot sem kvaðst fagna því að vera kominn á þennan stað í lífi sínu. „Ég finn fyrir yfir­þyrmandi þakk­læti fyrir allt ó­trú­lega fólkið sem hefur stutt mig í gegnum þetta ferli,“ skrifaði Elliot. „Ég get varla tjáð mig um hversu ó­trú­legt það er að elska sjálfan mig loks nóg til að gangast við mínu sanna sjálfi.“

Elliot og Potner gengu í hjóna­band í janúar árið 2018. Þau biðja bæði um að fólk virði einka­líf þeirra á þessum tíma breytinga.