Hin ellefu ára gamla Júlía, dóttir leikarans Stefáns Karls Stefánssonar heitins, birti í gær myndband á YouTube-rás föður síns þar sem hún minnist hans með fallegum hætti. Stefán lést þann 21. ágúst síðastliðinn eftir erfið og langvinn veikindi.

Í myndbandinu má sjá myndir og klippur af Stefáni og skrifar Júlía eftirfarandi. „Ég mun sakna þín pabbi,“ og „Ég mun aldrei gleyma þér“. Þegar þessi frétt er skrifuð hafa 235 þúsund manns horft á myndbandið en rás Stefáns Karls er með 873 þúsund fylgjendur.

Undir myndbandinu stendur að það hafi verið birt með leyfi móður Júlíu, Steinunnar Ólínu Þorsteinsdóttur, og að markmið barnanna sé að ná gullhnappi á rás föður síns.