Lífið

Don Johnson vildi of margar milljónir

Lífsstílsbarinn Miami verður opnaður í gamla Framsóknarhúsinu á Hverfisgötu innan tíðar. Þar verða öll húsgögnin sérsmíðuð og þjónar verða í sérsaumuðum fötum. Don Johnson átti að koma í opnunarpartíið en vildi fá spikfeitan tékka fyrir að koma.

Hönnunarhúsið Döðlur hefur aðstoðað kappana við að gera húsið sem glæsilegast að innan. „Ég er ekki hlutlaus en þetta verður fallegur bar og einn sá fallegasti í heiminum – kalt mat,“ segir Gunnsteinn. Fréttablaðið/Sigtryggur Ari

Gunnsteinn Helgi og félagar hans, sem eiga og reka meðal annars Burro, stefna hátt með nýjustu viðbót sína í skemmtanaflóru miðborgar Reykjavíkur. Staðurinn er svokallaður lífsstílsbar og kallast Miami, til húsa í gamla Framsóknarhúsinu á Hverfisgötu. Staðurinn verður með sérhönnuð og sérsmíðuð húsgögn og starfsfólkið verður í sérsaumuðum jakkafötum.

Gestir geta svo keypt það sem þeim líst á á heimasíðu staðarins, hvort sem það er húsgagn eða fatnaður. „Við verðum með okkar eigin Miami fata- og húsgagnalínu og gestir geta keypt fötin og stólana og borðin og það sem þeim líst á,“ segir Gunnsteinn. Hann heldur að þetta sé í fyrsta sinn í heiminum sem bar er með sína eigin húsgagna- og fatalínu.

„Niðri verða borðtennisborð, við erum að láta gera sér spaða og kúlur og fólk getur keypt sér borðtennisgræjur á heimasíðunni.

Það sem við erum að gera hefur aldrei sést áður í heiminum, því hvert einasta húsgagn er sérhannað og sérsmíðað. Það er ekkert sem við höfum fundið sem er líkt þessum stað.“

Gunnsteinn segir að Miami verði ekki skemmtistaður enda ekkert dansgólf, enginn trúbador og enginn matur. Bara kokteilar og góða skapið. „Þarna verður 80s og 90s þema með smá áhrifum frá Miami. Bleik og blá teppi á gólfunum og þessa dagana erum við að vakta uppboð til að kaupa hönnunarverk frá þessum tíma. Stefnan er að staðurinn verði eitt stórt hönnunarlistaverk.“

Til að fanga tímann var leitað til stærstu stjörnu níunda áratugarins, Dons Johnson, sem gerði garðinn frægan í Miami Vice, til að koma í opnunarpartíið. Því miður gekk það ekki. „Við höfðum samband við umboðsmanninn hans sem sagði að hann væri alveg til í að koma en einungis ef við borguðum honum mikið fyrir. Það var aðeins of dýrt fyrir okkur. En við hættum ekkert við opnunarpartíið. Það verður alveg þó að hann komist ekki,“ segir Gunnsteinn.

Stórstjarna

sem Sonny Don Johnson sló í gegn sem James „Sonny“ Crockett í Miami Vice frá 1984-1989. Þar klæddist hann rándýrum tískufötum og ók á flottustu bílunum. Meðal annars á Ferrari Testarossa, þeim draumabíl. Eftir að sú sería kláraðist varð hann Nash Bridges, lögregluforingi frá San Francisco.

Síðan hefur hann sést hér og þar í hinum ýmsu hlutverkum. Johnson var og er trúlega enn mikill kvennabósi en nú er það dóttir hans og Melanie Griffith, Dakota Johnson, sem heldur nafninu á lofti.

Athugasemdir

Auglýsing
Auglýsing

Tengdar fréttir

Hvítasunna

Hvers vegna höldum við hvíta­sunnu há­tíð­lega?

Lífið

„Þegar þú komst inn í líf mitt“

Lífið

Sala á jóla­­­tón­­leika hafin

Auglýsing

Nýjast

Lífið

Konung­legt kampa­víns­boð í Reykja­vík: „Ekta royal“

Helgarblaðið

Skraut­dúfu­bóndi í Bú­staða­hverfi: „Tákn­mynd ástar“

Lífið

Faðir Meg­han: „Dóttir mín er fal­leg og hamingju­söm“

Kosningar 2018

Nýtur þess að skjóta gæsir og flat­maga í barna­pottinum

Lífið

Eru orðin hertogahjónin af Sussex

Lífið

Meghan borgaði brúðarkjólinn sjálf

Auglýsing