Túnfiskur frá ORA er einstakt hnossgæti; léttur, hollur og góður. Hann fullkomnar gott túnfisksalat, tónar vel við allt mögulegt hráefni og gefur ómótstæðilega bragðupplifun. Það veit Berglind Hreiðarsdóttir sem kýs ORA í sitt túnfisksalat.

„ORA túnfiskurinn hefur fylgt okkur svo lengi sem ég man eftir mér og túnfisksalat er eitthvað sem slær alltaf í gegn, hvar og hvenær sem er,“ segir Berglind.

Það er endalaust hægt að leika sér með hráefni í túnfisksalat. Hér útbýr Berglind hollari útgáfu af slíku góðgæti, þar sem margir eru aðeins að laga til í mataræðinu eftir sumarfríið.

Þetta túnfisksalat er alveg dásamlega gott og algjör snilld að eiga það til að narta í sem heilnæmt og gómsætt millimál.

Sjá uppskriftir og matarævintýri Berglindar Hreiðars á gotteri.is

Túnfiskur frá ORA gerir gott túnfisksalat enn betra og hann kórónar svo sannarlega hollt og gott túnfisksalat Berglindar. MYND/BERGLIND HREIÐARSDÓTTIR

Hollt og gott túnfisksalat uppskrift

  • 1 dós ORA túnfiskur í vatni
  • 4 harðsoðin egg
  • 1 stór avókadó
  • 3 msk. saxaður blaðlaukur
  • 200 g kotasæla
  • 180 g sýrður rjómi
  • Aromat og pipar
  1. Pressið vatnið af túnfisknum og setjið í skál.
  2. Skerið egg og avókadó niður og blandið saman við ásamt söxuðum blaðlauk.
  3. Hrærið saman kotasælu, sýrðum rjóma og kryddum.
  4. Blandið síðan öllum hráefnum varlega saman með sleif og kryddið frekar ef ykkur finnst þurfa.
  5. Njótið með Finn Crisp snakki að eigin vali.