Samtök Evrópskra sjónvarpsstöðva (EBU) hafa gengið til viðræðna við breska ríkissjónvarpið (BBC) um að halda Eurovision á næsta ári. Þetta kemur fram í til­kynningu frá EBU.

Úkraína bar sigur úr býtum í keppninni í maí síðastliðnum en eftir mat á að­stæðum í Úkraínu kemur í ljós að ekki er hægt að gæta fyllsta öryggis þar vegna stríðsins og því engur EBU til við­ræðna við BBC um að keppnin verði haldin í Bretlandi á næsta ári.

Hefðin er sú að það land sem vinnur keppnina, heldur hana ári síðar. EBU hafa metið öryggis­að­stæður í Úkraínu þannig að keppnin geti ekki farið þar fram á næsta ári.

Undir­búnings­ferli keppninnar tekur um það bil tólf mánuði. Þúsundir koma að upp­setningu keppninnar og ferðast fólk því til og frá landinu sem heldur keppnina næst, sem verður ekki Úkraína í þetta skiptið.

Bretar lentu í öðru sæti í Eurovsion á þessu ári, á eftir úkraínska hópnum Kalush Orchestra, sem fór fram á Ítalíu.

Hér að neðan má sjá skjáskot af Facebook-færslu frá Eurovision Song Contest:

Fréttablaðið/Skjáskot