Leit að breska leikaranum Juli­an Sands, sem saknað hefur verið í tíu daga, hefur enn engan árangur borið. Juli­an var á göngu í San Gabriel-fjöllum í Kali­forníu þegar hann hvarf.

Ekkert hefur spurst til leikarans síðan 13. janúar en vont veður hefur verið á þessum slóðum að undan­förnu sem hefur gert leitar­flokkum erfitt fyrir. San Gabriel-fjöll eru vin­sælt úti­vistar­svæði þar sem vetrar­í­þróttir eru meðal annars stundaðar.

Juli­an, sem er 65 ára, er bú­settur í Hollywood en hann gerði garðinn frægan á árum áður í kvik­myndum á borð við A Room with a View, The Killing Fields, Naked Lunch, Lea­ving Las Vegas og Ocean‘s Thir­teen.

Juli­an er ekki eini göngu­maðurinn sem saknað er á þessum slóðum því leitar­flokkar voru kallaðir út til leitar að öðrum manni, Bob Gregory, í gær. Alls hafa björgunar­sveitir verið kallaðar út fjór­tán sinnum síðustu fjórar vikur vegna fjall­göngu­fólks í vanda á svæðinu.