Skemmtikrafturinn Björn Bragi Arnarsson verður með Mið-Íslandi í nýrri sýningu sem verið er að undirbúa. Þetta staðfestir Mið-Ísland á Facebook-síðu uppistandshópsins.

Björn Bragi hefur ekki komið fram síðan hann varð uppvís að því að áreita 17 ára stúlku kynferðislega á veitingastað á Akureyri í haust.

Hann hefur látið af störfum sem spyrill í Gettu betur, en því starfi hefur hann gegnt undanfarin ár. Það gerði hann að eigin frumkvæði þegar málið kom upp og sagðist með því vilja axla ábyrgð á gjörðum sínum.

Sýningin verður frumsýnd á föstudaginn. Björn Bragi verður ekki með í það skiptið en hann er í útlöndum. „Hann verður erlendis frumsýningarhelgina en mætir svo.“

Vísir greindi fyrst frá.