Eins og landsmenn vita er Bjarni Benediktsson, fjármála- og efnahagsráðherra og formaður Sjálfstæðisflokksins, ansi lunkinn í kökuskreytingum. Hann skreytti nýlega laglega afmælisköku fyrir dóttur sína, með hundaþema.

Sjá einnig:Vonandi bakar Bjarni fyrir Bo

Baldvin Jónsson, tengdafaðir Bjarna, setti mynd af Facebook af barnabarni sínu með afmælistertunni. Á henni eru þrír snotrir hundar, með matarskál og skilti sem á stendur „Varúð!!! Afmæli“. Svo virðist líka sem að einn hundanna hafi gert þarfir sínar á kökuna.

Bjarni hefur áður deilt áhugamáli sínu með þjóðinni, en fyrir síðustu þingkosningar gaf Sjálfstæðisflokkurinn út kosningaauglýsingu af formanni sínum að skreyta köku, sem fór sem eldur um akur í netheimum.