Aðspurð segir María að Böggumixinu hafi hún kynnst á flugfreyjunámskeiðinu sem hún hefur nýlokið við. „Böggumix, hvar á ég eiginlega bara að byrja? Jú, kannski ég byrji aðeins á að segja ykkur frá þessu geggjaða og góða hnetumixi sem sló svona rækilega í gegn á námskeiði sem ég var á nýlega. Það var hin fagra Bagga sem mætti með svona alla daga námskeiðsins, sem var bæði afar skemmtilegt en jafnframt krefjandi. Því var ekkert betra en að fá að stelast í hið orkumikla Böggumix sem var farið að halda hálfum bekknum gangandi. Bagga er flugfreyja með meiru og afar fögur, ég held að þetta meinholla og orkuríka hnetumix eigi einhvern þátt í fegurð hennar enda stútfullt af hollustu,“ segir María.

Í Böggumixinu eru góðar fitur eins og omega 3 og omega 6 fitusýrur spila eflaust þar stórt hlutverk, ásamt c-vítamín og andoxunarríku rúsínunum sem hún notar og sykursætu möndlunum sem gera allt sætara og betra. „Þessi orkuríka blanda er einnig afar saðsöm og maður helst vel og lengi saddur af einni lúku ásamt því að öll frekari sykurlöngun hverfur eins og dögg fyrir sólu. Í nestið, veskið eða bara til að möndsa á þá er þetta algjör snilld og ég lofa þú munt elska þetta.“

Hægt er að fylgjast með blogginu hennar Maríu á síðu hennar Paz.is og á Instagram reikning hennar @paz.is

Böggumix 1.jpeg

Böggumixið fræga

1 Dúnkur Extra Fancy mixed nuts frá Kirkland úr Costco

4 pakkar af Sun Maid Sour raisins snack með blueberry og mixed berry bragði eða bara annað hvort (fæst í Bónus m.a)

2 pokar af H-Berg karamellu möndlum (fæst í Bónus og víðar)

Takið góðan zip it poka eða stóra skál og hellið öllu saman. Hrærið eða hristið vel saman. Maríu finnst rosa gott að skipta þessu svo niður í nokkra poka og eiga fyrir nesti eða í veskið, jafnvel í bílinn.