Núna í haust er því spáð af helstu tísku­miðlum er­lendis að vin­sælt verði að nota belti yfir jakka. Þannig gefst manni færi á að gefa út­litinu annað form, en undan­farið hafa víðir jakkar verið mjög vin­sælir.

Belti frá þekktum tísku­merkjum koma mjög vel út yfir jakka og var það trend nokkuð á­berandi hjá helstu tísku­drottningunum síðasta árið. Bæði er hægt að nota belti í svipuðum tón og sjálfur jakkinn, eða velja eitt­hvað lit­ríkt belti til að gera heildar­út­litið skemmti­legra. Það er um að gera að prófa sig á­fram með ólík belti og leyfa öxlunum að vera á­berandi breiðum, en taka á móti jakkann saman í mittinu.

Tamara Kalinic með Valentino-belti á tískuvikunni í París.
Gestur á tískuvikunni í París með Dior-belti og tösku. Beltið kemur einstaklega vel út yfir flottan jakka í yfirstærð.
Þunnt belti getur líka komið vel út eins og sést hérna á Gitta Banko. Beltið er frá Bottega Veneta.
Beltið er í sama tón og samfestingurinn undir jakkanum, en það kemur mjög vel út.
Myndir/Getty
Gott dæmi um hvernig beltið getur gefið heildarútlitinu skemmtilegra yfirbragð.
Keðjubelti geta líka komið einstaklega flott út yfir klassískan dragtarjakka.
Anna Rosa Vitiello sést hér með belti frá Chanel og frábæra tösku í stíl.
Füsun Lindner glæsileg í alklæðnaði og með belti frá Dior á tískuvikunni í París.