Lífið

Axl Rose yfirgefur Ísland eftir tveggja vikna dvöl

Söngvarinn knái Axl Rose hefur yfirgefið landið. Flaug hann til Lundúna með vél Icelandair í morgun.

Axl Rose, söngvari Guns N' Roses Fréttablaðið/Getty

Axl Rose, söngvari Guns N´Roses, flaug af landi brott í morgun eftir tæplega tveggja vikna dvöl hér á landi. Samkvæmt heimildum Fréttablaðsins ferðaðist Axl með morgunflugi Icelandair til London.

Axl og félagar héldu sögulega tónleika hér á landi þann 24. júlí síðastliðinn sem tæplega 7 prósent landsmanna sóttu. Axl virðist þó hafa verið sáttur með land og kaus að dvelja hér á landi í tæpar tvær vikur til viðbótar. Ekki er ljóst hvað kappinn bardúsaði hér á landi í þennan langa tíma en honum er annt um einkalíf sitt, veitir örsjaldan viðtöl og hefur lítið tekið þátt í samfélagsmiðlafári síðustu ára.

Líkt og fyrr segir voru tónleikarnir einkar vel sóttir og var það kátur hópur aðdáenda sem dilluðu sér við hina ýmsu slagara reynsluboltanna.

Það er þó ekki furða að Axl hafi viljað njóta lífsins hér á landi og slaka á eftir tónleikana, enda eflaust langþreyttur eftir langt tónleikaferðalag. Ísland var endastöðin löngu hljómleikaferðalagi hópsins, Not in This Lifetime, sem hófst í mars 2016. Að baki er því ótrúlegur fjöldi tónleika. Axl sagði í einkaviðtali við Fréttablaðið í síðasta mánuði að hljómsveitin reyndi einfaldlega að gera sitt besta fyrir áhorfendurna og að þeim hefði alla tíð langað að koma til Íslands. 

Athugasemdir

Auglýsing
Auglýsing

Tengdar fréttir

Fréttir

Bestu miðarnir á Guns N' Roses kosta 50 þúsund krónur

Lífið

Axl Rose: Guns N' Roses gera allt fyrir að­dá­endurna

Lífið

Axl Rose og fé­lagar í lands­liðið

Auglýsing

Nýjast

Ástin blómstrar eftir Bachelorinn: „Ég vildi fara heim með henni“

Eiga von á eineggja tví­burum

Lokkandi leirtau úr Landmannalaugum

Afskaplega gott að syngja eftir Jón Ásgeirsson, það virkar allt

Kóngur ofurhuganna

Landsliðs­strákar skemmtu sér á Miami eftir lands­leik

Auglýsing