Staðurinn opnaði í sumar með pompi og prakt. Rýmið var nýlega endurhannað að fullu og þessu stóra og sögufræga húsnæði var breytt í hótel, veitingastað og bar. Hönnunarfyrirtækið I AM LONDON sá um að breyta þessari fyrrum stálsmiðju í stórglæsilegt rými sem tekið er eftir og mun bæta matar- og menningarflóruna út á Granda. Í framlínu veitingastaðarins Héðins eru stofnendurnir og félagarnir Viggó og Elli sem báðir eru alvanir veitingamenn.

„Ég og Viggó erum æskuvinir og síðustu fjögur, fimm árin höfum við verið að leita okkur af verkefni til að fara í saman. Við höfum skoðað nánast öll veitinga verkefni í Reykjavík en ekki fundið fyrir nógu miklu öryggi til að fara á fullu í þau. Ég á að baki Gló, Brauð & Co og Himneskt svo eitthvað sé upp talið og Viggó er einn af stofnendum Omnom, Skúbb ísgerðinni og Blackbox Pizza. Viggó kemur úr „fine dine“ heiminum og var meðal annars framkvæmdastjóri kokkalandsliðsins ásamt því að keppa með þeim,“ segir Elli og horfir björtu augum til framtíðarinnar í veitingarekstrinum.

FBL Héðinn Kitchen & Bar8.jpg

Urðu ástfangnir af staðnum í fyrstu sýn

Þegar farið er í svona stórt verkefni á nýjum veitingastað er ljóst að það þarf að vera ástríða til staðar og forsagan af því. Segðu okkur frá tilurð veitingarstaðarins, hver er sagan bak við hann? „Ég var að klára MBA í Háskólanum í Reykjavík og með mér í náminu var Eva Jósteins COO á Centerhótles. Hún plataði mig til að koma og kíkja á staðinn til að ráðleggja sér aðeins með veitingareksturinn. Þegar ég gekk inn og sá rýmið voru hughrifin það mikil að það var engin leið að vera ekki hluti af þessu verkefni. Ég hringdi beint í Viggó og fékk hann til að koma og skoða og það var sama sagan þar, við urðum má segja, ástfangnir af staðnum. Eigendur Center hótels Kristófer og Svanfríður og þeirra teymi var meira en tilbúið í að semja við okkur og hefur þetta verið með eindæmum skemmtilegt ferðalag með einstöku fagfólki og frábærum einstaklingum.“ Þegar kemur vali á staðsetningunni, hvers vegna var þessi staðsetning valin? „Það má segja að staðsetning hafi fundið okkur frekar en við hana, en við nánari skoðun kemur í ljós að Grandinn hefur verið að auka vinsældir sínar jafnt og þétt í gegnum árin. Þessi staður hentar okkur Íslendingum einstaklega vel, við erum ekki í miðri túrista traffíkinni þannig að Íslendingar geta átt sinn stað í bænum. Svo er fjöldi fyrirtækja í nágrenninu sem við hlökkum til að þjónusta.“

Hönnunin á staðnum er einstaklega vel heppnuð í alla staði og ótrúlegt að sjá hve vel hefur tekist til að gefa þessu verksmiðjuhúsi nýtt útlit og hlutverk. „Center hótel eiga allan heiðurinn af þessu metnaðarfulla verkefni og það mætti verðlauna þau sérstaklega fyrir að gefa þessum gamla sögufræga verksmiðjuhúsi nýtt líf og það af þessum mikla myndarskap. En fyrir þá sem ekki vita hét stálsmiðjan sem þarna var og er enn starfandi á öðrum stað einmitt HÉÐINN og þaðan kemur nafnið. Arkitektarnir hjá Gláma kím og Hönnunarfyrirtækið I AM LONDON sáu um breytingarnar og hönnun,“segir Elli sem er virkilega ánægður með útkomuna og stoltur af verkinu. Á Héðni er hátt til lofts og vítt til veggja. Háir verksmiðjugluggarnir ramma inn staðinn og gefa birtu og brasskeðjur sem eru hannaðar með innblæstri af loftmyndum af Íslandi. Staðurinn er stór og tekur marga í sæti á veitingastað og bar. „Svo erum við líka með tvo einkasali. Við bjóðum upp á hádegisseðil, kvöldseðil og brönsseðil um helgar. Einnig er mikil áhersla á vín og kokteila og við erum með flott úrval af hágæða vínum sem og flottan 0% seðil fyrir þá sem það kjósa.“

Allt unnið frá grunni og vinna með bændum landsins

Áherslurnar í matargerðinni eru árstíðarbundnar og markmiðið er að vera með spennandi seðil. „Við erum að tala um árstíðarbundinn matseðil, spennandi en samt sem áður afslappaðan „less is more“. Sigurjón Bragi Geirsson yfirkokkur lýsir þessu sem „Seasonal fusion“ sem má túlka sem alþjóðlegan matseðil sem leitast við að vera árstíðarbundinn og lókal.“ Sérstaðan staðarins er skýr og áhersla lögð á að vera með besta hráefnið sem völ er á að hverju sinni. „Gerum allt frá grunni, stefnum að því að vinna náið bændum landsins til að geta verið sem mest „local & seasonal“ eins og sagt er á ensku. Erum til mynda þegar búnir að tryggja okkur alla tómata uppskeruna frá Brautarhól í Reykholti og vorum búnir að því þegar við opnuðum,“segir Elli og segir að þeirra aðalsmerki sé hágæða hráefni.

FBL Héðinn Kitchen & Bar 2 copy.jpg

Úrvals fagfólk í matargerð og bakstri standa vaktina

Aðspurður segir Elli að einn af styrkleikum þeirra sé allt það fagfólk sem þeir erum með innanborðs. „Við fengum til liðs við okkur landsliðskokk, matreiðslumann ársins 2019 og fyrrum landsliðsþjálfara kokkalandsliðsins til að skapa matseðilinn. Sindri Guðbrandur Sigurðsson landsliðkokkur og Arnar Ingi Kristenssen matreiðslumaður standa þétt við bakið á Sigurjóni í eldhúsi sem var að vinna forkeppni Bocusd´or og tekur þátt í stærstu einstaklings matreiðslukeppni í heiminum fyrir Íslands hönd. Gunnlaugur Atli Magnússon er veitingastjóri en hann hefur víðtæka reynslu í veitingageiranum og kemur með reynslu úr námi í hótel og veitingaskóla í Sviss og með starfsreynslu frá fimm stjörnu hóteli í London. Sigurður Sigurðsson er fjármálastjóri Héðins og hefur hann víðtæka reynslu frá eigin rekstri og er viðskiptafræðingur að mennt með MBA gráðu frá Háskólanum í Reykjavík.

Síðan höfum fengið til liðs við okkur Sigríði Pétursdóttur Msc í Mannauðsstjórnun sem sér um daglegan rekstur staðarins, mannauðsmál og öll markaðsmál. Hún hefur unnið við rekstur lögmannasstofa og ýmis mannauðsmál frá árinu 2010. Sóknarfæri Héðins að mati Sigríðar eru að við erum að selja þjónustu sem hentar mismunandi stærðum og gerðum af hópum. Við erum með veitingasalinn okkar þar sem við þjónustum gesti í a la carte en einnig erum við einkasali sem við leigjum út.

FBL Héðinn Kitchen & Bar 5.jpg

Einkasalirnir okkar eru einstaklega glæsilegir og hafa upp á að bjóða aðstöðu fyrir margskonar einkasamkvæmi, svo sem ráðstefnur, fundi og veislur.

FBL Héðinn Kitchen & Bar10.jpg

Glæsileg aðstaða með öllum búnaði sem til þarf og umhverfið aðlaðandi og notalegt.

Hágæða brönsseðill og jólaseðill hafa litið dagsins ljós

Í byrjun október byrjuðum við með hágæða bröns sem samanstendur af þekktum brönsréttum með okkar tvisti sem og nýjum réttum eins og „stökkum kjúkling“ og „blómkálstoast“ sem eru mjög vinsælir réttir hjá okkur.

Jólaseðillinn okkar er fimm rétta seðill þar sem teymi meistarakokkanna okkar reiðir fram nokkra af framúrskarandi jólaréttum, sem leiðir gesti okkur í einstaka matarupplifun með sérgerða vínseðla sem fullkomnar jólaandann.

Elli sviptir hulunni af því sem koma skal

Ertu til í að ljóstrar upp einhverjum leyndardómum sem tengjast staðnum ?

„Við stefnum á að opna kaffihús og micro bakarí í sama húsi í desember, í rýminu sem snýr út að Seljavegi. Þar verður lögð áhersla á hágæða kaffi og handgert bakkelsi. Þetta konsept er gríðarlega spennandi og hefur verið að skjóta rótum í skandinavíu,“ segir Elli sem er gríðalegar spenntur fyrir því sem koma skal. Þórey leiðir þróun og undirbúning að því verkefni og hefur verið ásamt okkur síðustu tvo mánuði í þeirri vinnu sem mun leiða til opnunnar innan tíðar.

FBL Héðinn Kitchen & Bar 1 jpg.jpg

FBL Héðinn Kitchen & Bar 2.jpg

FBL Héðinn Kitchen & Bar7.jpg