Aron og Karitas eignuðust dóttur

Vara­borgar­full­trúinn og myndlistarmaðurinn Aron Leví Beck og tónlistarkonan Karitas Harpa Davíðs­dóttir hafa eignast nýja dóttur, sitt þriðja barn saman. Þetta til­kynnir Aron í fal­legri Face­book færslu.

„Í gær eignuðumst við Karitas Harpa Davíðs­dóttir þriðja barnið okkar. Hún var 14 merkur og fæddist klukkan 15:35. Fæðingin gekk vel, eftir­málar voru hins­vegar ögn flóknari og vegna blóð­missis (hjá Karitas) þurftum við að dvelja á LSH í nótt,“ skrifar Aron.

Þau komu heim í dag og segir Aron að þau séu í skýjunum yfir litla ljósinu. „Sjáum hvort bræður hennar verða jafn glaðir með hana og við þegar þeir koma heim,“ skrifar hinn hamingju­sami Aron að lokum.