Fólk

Þarfasti þjónninn verður að pels

Kristín Karlsdóttir og Valdís Steinarsdóttir hanna úr hrosshúð. Þær fengu styrk frá Nýsköpunarsjóði námsmanna síðasta sumar og sýna afraksturinn á HönnunarMars.

Kristín Karlsdóttir og Valdís Steinarsdóttir sýna fatnað og fylgihluti úr hrosshúð á komandi HönnunarMars.

Við notum aðallega sútaðar og loðnar hrosshúðir og búum til ýmiss konar hönnunarvöru úr þeim, til dæmis rugguhesta, pels, inniskó, hárskraut og fleira, Á HönnunarMars munum við því bjóða gestum upp á nýja sýn á íslenska hestinn í bíósalnum á Hótel Marina og gera tilraun til að færa fólk nær honum, bjóða því að snerta, lykta og hlusta á íslenska hestinn eins og við upplifum hann,“ segir Kristín Karlsdóttir fatahönnuður en hún og Valdís Steinarsdóttir vöruhönnuður hanna úr hrosshúðum undir heitinu Studio Trippin.

Þær hlutu styrk úr Nýsköpunarsjóði til verksins og hafa sjálfar sútað skinn í vinnsluna en fá einnig efnivið frá Sauðárkróki og Hjalteyri.

Pels, inniskór, hárskraut og rugguhestur eru meðal þess sem Studio Trippin hannar úr hrosshúð.

„Karl Bjarnason, sútari á Sauðárkróki, hefur verið rosalega hjálplegur í gegnum ferlið, og Lene Zachariassen, sútari á Hjalteyri, er líka búin að kenna okkur margt. Við vonumst til þess að það styttist í að við getum komið bæði flíkum og innanstokksmunum í sölu,“ segir Kristín.

Hugmyndin að Studio Trippin kviknaði út frá áfanga í Listaháskóla Íslands og segir Kristín að þær hafi nánast fengið hrosshúðir á heilann. Þetta er fyrsta samvinnuverkefni þeirra sem hönnuða en þær hafa þekkst frá því þær voru unglingar.

Auðvitað eru sumir mótfallnir því að borða hrossakjöt, og þ.a.l. hugmyndinni um að nota húðirnar. Okkar skoðun er sú að mesta virðingin við skepnuna felist í því að fullnýta það sem til fellur af henni.“

„Við höfum brallað margt saman gegnum tíðina en hugmyndin að verkefninu kviknaði þegar Valdís var að vinna hópverkefni um íslenska hestinn með bekknum sínum í vöruhönnun í LHÍ. Hún hljóp oft yfir til mín í fatahönnuninni og sagði mér frá og upp frá því byrjuðum við að ræða útfærslur og möguleika sem okkur duttu í hug. Ef við fórum út á kaffihús eða út með vinum okkar var þetta það eina sem hægt var að tala við okkur um. Við vorum því komnar með margar hugmyndir og pælingar að vörum strax frá byrjun þeirrar vinnu sem við unnum í sumar,“ segir Kristín.

Hvernig er flíkum úr hrosshúð tekið?„Mjög vel, enn sem komið er. Fólk virðist almennt vera hrifið af hugmyndinni um fullnýtingu, og því að nota afgangsafurðir af íslenska hestinum, sem býr jafnan við gott atlæti. Auðvitað eru sumir mótfallnir því að borða hrossakjöt, og þ.a.l. hugmyndinni um að nota húðirnar. Við berum virðingu fyrir mismunandi skoðunum, en okkar skoðun er sú að mesta virðingin við skepnuna felist í því að fullnýta það sem til fellur af henni.“

Athugasemdir

Auglýsing
Auglýsing

Tengdar fréttir

Kynningar

Elskum að dekra við konur

Kynningar

Gleði og hátíðleiki hjá Sinfóníunni

Kynningar

Gjöf sem heldur áfram að gefa

Auglýsing

Nýjast

Hið góða mest gúgglað árið 2018

Plötuðu milljónir Twitter not­enda fyrir skóla­verk­efni

Bjóða þeim sem eru einir á jólum í há­tíðar­kvöld­verð

Súkku­laði flæddi um götur þýsks smá­bæjar

Fox hrædd við að opna sig þrátt fyrir #MeT­oo

Konur í aðalhlutverkum vinsælli en karlar

Auglýsing