Anne Hathaway hætti að vera vegan eftir að hún smakkaði íslenskan fisk á veitingastað í Reykjavík með Matt Damon Þetta kemur fram í nýju viðtali við leikarann hjá Woman's health Magazine. „Það er greinilegt að íslenski laxinn breyti lífi fólks,“ segir greinahöfundur tímaritsins.

Anne Hathaway var úti að borða með leikaranum Matt Damon meðan þau voru við tökur á kvikmyndinni Interstellar á Íslandi. Þá pantaði Matt Damon sér lax og bauð Hathaway.

„Ég var eina stelpan og ég er vegan og allir eru bara að lifa í andartakinu,“ segir Hathaway í viðtalinu. Hún hafi spurt þjóninn hvort fiskurinn væri veiddur á heimamiðum. Þá hafi þjónninn bent út um gluggann og sagt: „Sérðu fjörðinn þarna?“ Þá hafi hún leyft sér að smakka bita af laxinum.

Anne Hathaway á Íslandi við tökur á kvikmyndinni Interstellar.
Paramount Pictures

„Mér leið eins og heilinn minn væri að endurræsa sig,“ segir Hathaway og bætir við að henni hafi ekki liðið vel við tökur á kvikmyndinni. Hún segir að búningur sinn hafi verið þungur og hún hafi þurft að koma sér í gott form til að geta gengið í honum.

„Ég var ekki hraust og mér leið ekki vel. Ég var ekki sterk,“ segir Hathaway.

Anne Hathaway hefur áður greint frá því þegar hún ofkældist við tökur hér á landi. Hún var þá að leika í atriði sem gerist í ísköldu vatni og var í blautbúningi. Það misfórst að loka búningnum alveg svo að vatn lak inn í hann.

Hathaway hætti að vera vegan eftir að hún smakkaði íslenska laxinn í Reykjavík og ákvað að breyta mataræði sínu. Hún gerðist upphaflega vegan til að koma sér í form til að leika kattarkonuna í Batman.